“ЙОЛДЫЗЛАР ШУЛАЙ КУША” КИТАБЫ ТАБАДАН ТӨШТЕ

Безнең автор! Әле узган санда гына төркия профессоры, остазы Хәлил Ачыккүз турында саллы язмасы чыккан иде. Декабрьдә ике балам туды, ди үзе. Берсе - бәләкәч кызы булса, икенчесе - менә китабы!

Алинә Бикмуллинаның “Йолдызлар шулай куша” китабы табадан төште. Яшь авторның җыентыгында балалар өчен юмористик хикәяләр урын алган. Барлык вакыйгалар да шук, шаян, теләсә нинди хәлләрдә дә югалып калмый торган Шәмси исемле егет тирәсендә бара. Хикәяләр соңгы 2-3 елда язылган. Хикәяләрдәге геройлар ролендә авторның классташлары килсә, укытучыларның прототиплары – үзенең туган авылы Олы Әшнәк мәктәбе укытучылары.

Китапның мөхәррире – Айсылу Галиева, китапка матур рәсемнәр төшерүче рәссам – Рөстәм Хәбибуллин. Әдәби басма 1500 данәлек тираж белән “Татарстан китап нәшрияты”нда чыккан.

- Декабрьдә ике балам туды, ди үзе. Берсе - бәләкәч кызы булса, икенчесе менә китабы!