Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    Видео
    • Руль артында алкогольгә "Юк" дип әйт

    АЛТЫНЧЫ ШИГЫРЬ. Эльвина Миңнуллина

    ЗӘҢГӘР КҮЗЛЕ ЕГЕТКӘ

    Реклама

    Күккә тиңлим микән күзләреңне,
    Тиңлим микән әллә диңгезгә...
    Бер күрүдә сиңа гашыйк булдым.
    Карашыңа... назлы һәм үзгә.
    Соңга калган романтика димә.
    Мин хисләрне шулай күрсәтәм.
    Тормышымның сюжет сызыкларын
    Шигырьләрдә җиңел үзгәртәм.
    Һәр кешедә шагыйрь яши диләр.
    Ә минекен нәкъ син уяттың.
    Ак-карадан торган тормышымны
    Якты төсләр белән буяттың.
    Кулларыма каләм алган саен
    Тормышымны яңа баштан башлыйм.
    Шигыремнең һәрбер юлын, һәр өтерен
    Сиңа атыйм, сиңа багышлыйм.
    Хисләр уртак, охшаш булса икән...
    Чиксез күкне дә мин гизәрмен.
    Синең күзләр диңгез булса әгәр,
    Мин батарга мәңге әзермен.

    Эльвина Марат кызы Миңнуллина 1998 елның 12 июлендә Саба районы Байлар Сабасы бистәсендә туа. Хәзерге көндә КФУның педагогика факультетында бишенче курсында белем ала, киләчәктә инглиз теле укытучысы булырга җыена. Татар телендә шигырьләрен әле ике-өч ел элек кенә иҗат итә башлаган. «Беренче шигыремне икенче курста конкурска дип яздым. Укытучым шигырьне «себереп түкте». Тик мин аны барыбер җибәрдем һәм җиңүчеләр рәтенә кердем. Кайвакыт башкаларны түгел, йөрәгеңне тыңларга кирәк икән».

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Ышаныч телефоны
    • ИП ПАТЕНТ СИСТЕМАСЫНДА: НӘРСӘ БЕЛЕРГӘ КИРӘК?
    • Газета-журналларга язылган өчен - санаторийга ике юллама
    • Пушкин картасы
    • Милек өчен салымны түләү - 1 декабрьгә кадәр
    • Бөтенроссия халык санын алу (ИНФОГРАФИКА)
    • ВИЧ-инфекция
    • Квалификацияләнгән электрон имза алыгыз
    • ФИНАНС КУЛЬТУРАСЫ
    • Бергә сайлыйбыз!