Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив

    ЧИККӘН СӨЛГЕ - ВӘГЪДӘ БИЛГЕСЕ

    "Чиккән сөлге"

    Реклама

    Кулларыма алам әниемнең
    Бирнә итеп чиккән сөлгесен.
    Ак җирлеккә гөлләр кушып сипкән
    Хисләренең аллы-гөллесен.

    Бәйрәмнәрдә затлы бизәк булып,
    Балкыган ул өйнең түрендә.
    Көрәшкәндә, көч-дәрт биреп торган
    Мәйданнарда әткәм билендә.

    Уңган киленкәйнең күңеле дә
    Бүз сөлгелек кебек булган ак.
    Бизәк чиккән сайлап, юансын дип,
    Чабышларда соңгы килгән ат.

    Чиккән сөлге икмәк-тозлы булган
    Яшь кәләшне каршы алганда.
    Гаилә ядкаренә әйләнгән ул,
    Сандыкларга төреп салганда.

    Кызыл башлы, чуптар-чүпләмле шул,
    Чиккән сөлге – вәгъдә билгесе.
    Тоныкланмас җете бизәкләре,
    Ул – халкымның күңел өлгесе.

    Сания ӘХМӘТҖАНОВА
    19.01.2020

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Сезнең өчен уйныйбыз!
    • Наркотикларсыз тормыш
    • "Чтобы получить субсидию - убедись в отсутствии налоговой задолженности"
    • Занятость
    • Милли проект
    • Языл һәм телевизор, скутер от!
    • Твой ход!
    • Әйдәгез хатлар языйк!
    • "Бессмертный полк онлайн"
    • "Красная гвоздика" (1)