Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    Видео
    • Стресслы хәлләргә ни рәвешле ресурслар тупларга

    Чын сугышны күргән һәркемне җир Сыендырган күптән куйнына...

    Сыңар кулы белән карт ветеран
    Карчыгының каберендә
    Кычытканнар йолкый:

    - Кайтты алар... Оныкларны, әйтәм...
    Кечесенең икенчесе туган.
    Почык борын . Йоклый.

    Салкын.
    Елдагыча үзәкләргә
    үтеп җил елый.
    Елдагыча!
    Ветераннны быел
    тагын җил тыңлый.

    - Ак машина аласылар булган.
    Нимеснеке икән, иң шәбе.
    "Ауди" дигәнендә җилдерәлсәң,
    Дөньялыкның икән бар гаме.

    Реклама

    ...Унсигездә ут эченә кердем.
    Сыза иде көннәр танкта.
    ...Нимеснеке, имеш. Алалмаган.
    Акчалары янган банкта.

    - Почык борын сиңа тартым, карчык.
    Бит очлары тора уелып...

    Хәлсезләнгән бармак арасыннан
    Кычытканнар кала коелып.

    - Пинсәләрне бераз арттырдылар.
    Сиңа да таш кирәк. Яңасы!
    Акчасы да булыр. Яралардан
    Дәваларны кайдан табасы?

    "Чын сугышны күргән һәркемне җир
    Сыендырган күптән куйнына..."
    Дигәннәре истән чыкмый һаман
    Кечесенең бәби туенда...

    - Почык борын сиңа тартым, карчык.
    Бит очлары тора уелып...
    Кычытканга башын салып бүген
    Карт ветеран елый тыелып.

    Бер бүлмәле фатир бүләргә, дип
    Оныклары кайттылар кичә.
    Кычытканлы кабер өсләрендә
    Сөякләргә үтеп җил исә.
     

    Ландыш Габдрахманова 

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Арктикага чакыру
    • Үзмәшгульләргә!
    • Уңайлы шәһәр мохите формалаштыру
    • Физик затларның керемен декларацияләү
    • Санкция чикләүләре шатларында Россиянең финанс системасы эшчәнлеге
    • Налог бурычларың турында хәбәрдар бул!
    • Наркотиксыз тормыш
    • Тәртип радиосын тыңла
    • 3-НДФЛны - 30 апрельгә кадәр
    • "Китап" радиосын тыңла!