Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    • Татар биюенең барлык матурлыгын танып белергә теләсәң... Татар биюенең барлык матурлыгын танып белергә омтылучылар өчен Татарстан Республикасы мәдәният министрлыгы һәм Татарстан Дәүләт җыр һәм бию ансамбле тарафыннан «Мирас» («Наследие») дип исемләнгән мультимедияле белем бирү программасы булдырылды.
      123
      0
      0
    • КЫЯМОВЛАР СӘХНӘДӘ “КЫЗДЫРА”! Татарстанда Телләр һәм халыклар бердәмлеге елы төгәлләнеп килә. Татарстан Президенты тарафыннан игълан ителгән елда туган телебезгә нисбәтле шактый гамәлләр үтәлә. Әлеге чаралардан журналистлар гаиләсе – Кыямовлар да читтә калмады.
      311
      0
      1
    • ЯПОН ЕГЕТЕ ЮТО ХИСИЯМА ИСЛАМ ДИНЕН КАБУЛ ИТКӘН Япон егете Юто Хисияма ислам динен кабул иткән. Бу хакта ул социаль челтәрдә хәбәр итә.
      356
      0
      0
    • "ПУШКИН КАРТАСЫ"НА - КИНОГА! Путин сүзләренчә, мондый инициатива Россия кинематографына ярдәм итү формаларының берсе булачак.
      259
      0
      0
    Видео
    • Төрле телләрдә шигырьләр

    ДУЛКЫН БЕЛӘН КЫЯ - ИКЕ ИГЕЗ

    Алсу Рамис кызы Сәлахова 1996 елда Яңа Чишмә районының Чаллы Башы авылында туа. Туган авылында урта мәктәптә укый. Казан федераль университетының Филология һәм мәдәниятара багланышлар институтының бакалавриатын тәмамлый, бүгенге көндә магистратурада белем ала.

     

    «ОКЕАН» ТУКТАЛЫШЫ
    Зәңгәр күзләреңнең уйчан дулкыннары
    Йөрәгемә бәрелә. Мин – кыя.
    Мин кералмыйм синең кочагыңа,
    Гәрчә анда зур көймәләр сыя.

    Син шаулыйсың, синең көйләреңә
    Диңгез атлары бию башкара.
    Син бик тозлы, син әрнетәсең,
    Ә мин үзем – бер зур гына яра.

    Сиңа керсәм, авыртудан шартлап,
    Исәрләнеп котырыр тын алышы.
    ...Ярый, сау бул, син төшәсең инде.
    Килеп җиттең. «Океан» тукталышы.

     

    Реклама

    ***
    Минем күз төбендәге кара эзләр –
    Сине уйлап янган төннәр ул.
    Тәрәзәдән исемең ишетсәң,
    Ача күрмә, әллә кемнәр ул.

    Капчык-капчык хәлсез кабакларым
    Сиңа дигән сәламнәрне саклар,
    Мин дәшмәмен, усал җилләр генә
    Синең исемеңне кабатлар.

    Төшләр күрсәтмәгән мендәремне
    Биш борсам да, берни үзгәрмәс.
    Төннәремне учак итәлсәм дә,
    Исемеңә утлар тиялмәс.

    Күз төпләрем синең серне саклар,
    Сиңа булган иң саф серемне,
    Төшләр күрсәтелсә, син кергәлә,
    Кабатлармын исемеңне.

     

    ***
    Сәер сүзләр сөйли миңа диңгез:
    Ымсындыра, тарта-чакыра.
    Дулкын белән кыя – ике игез
    Көйли яңа һәм таныш мантра.

    Кыя сулышын тойган аякларым
    Диңгез карашыннан йомшара.
    Мең көй йөрткән кыя ташларында
    Минем сүздән калыр буш ара.

     Тарта диңгез, мин – иң биек ярда.
    Тулып булмый, булмый бушап та.
    Ташланасы килә,
    ташланырга телим,
    Ташланасы иде
     Кочакка.

     

    Алсуның күбрәк шигырьләрен "Идел" журналының гыйнвар санында укый аласыз.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    • Газета-журналларга язылган өчен - санаторийга ике юллама
    • Пушкин картасы
    • Милек өчен салымны түләү - 1 декабрьгә кадәр
    • Бөтенроссия халык санын алу (ИНФОГРАФИКА)
    • ВИЧ-инфекция
    • Квалификацияләнгән электрон имза алыгыз
    • ФИНАНС КУЛЬТУРАСЫ
    • Бергә сайлыйбыз!
    • "Язмыш" газетасы
    • Китап тыңла!