Гает көнен хөрмәтләп каршы алыйк!

Иң мәртәбәле бәйрәмгә 
Куана иртән халык. 
Пакъ киемнән, якты уйлар 
Күңелләренә салып. 

Һәр мөселман ихлас булып
Иелгәннәр намазга. 
Гает көнне күңел тула 
Җанга рәхәт аздан да. 

Бер-береңә ихлас теләк 
Теләүдән шатлык туа. 
Йә Аллаһым! Имин булсын 
Зәңгәр күк,бөтен дөнья! 

Исәнлек белән уяныйк 
Кошларны тыңлап иртән! 
Сөенеп яшәсәк иде 
Чыкмыйча иман –чиктән. 

Матур ,бәхетле тормышны 
Син насыйп итсәң иде! 
Йөрәктә мәрхәмәт хисен 
Һәр кеше йөртсә иде! 

Якыннарыбыз кадерен 
Мәңге күңелгә салыйк!

Йә,Аллаһым! Гает көнен 

Хөрмәтләп каршы алыйк!

Гөлнур Айзат

Изге бәйрәм белән!