Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    • Tat Cult Lab/Music 2021: музыкаль лаборатория сезне көтә! Беренче тапкыр Tat Cult Lab/Музыка 2018 нче елда үткәрелде һәм «Соль» клубындагы концерт белән тәмамланды. 2019 нчы елда музыкантлар Камал театрының зур сәхнәсендә яңа җырлар башкардылар.
      282
      0
      0
    • МИЛЛИ КИТАПХАНӘ КИТАПЛАР ҖЫЯ Материалларның бер өлеше комплектлау һәм саклау бүлегенә эләгә, ә икенче өлеше китап киштәләренә куелачак. Китаплар һәм материаллар яхшы хәлдә булырга тиеш
      740
      0
      0
    • Коронавирустан йөз меңнән артык табиб үлгән 2020 елның гыйнварыннан алып быелның май аена кадәр ковидтан вафат булган медицина хезмәткәренең саны 115 мең булырга мөмкин.
      845
      0
      0
    • Нияз Игъламов яңа вазифага билгеләнде Татарстан Республикасы Мәдәният министрлыгы каршындагы Иҗтимагый совет рәисе вазифасын моңа кадәр Татарстан Республикасының атказанган мәдәният хезмәткәре Марсель Таишев башкарды.
      850
      0
      0
    Видео
    • НАРКОТИКЛАРГА - ЮК

    Гүзәт затлар елмая

    Хатын-кыз шаяра аламы?
    Шактый кызыклы бу сорауга 8 Март – Халыкара хатын-кызлар көне уңаеннан, әйдәгез, гүзәл затларыбызның иҗаты белән җавап биреп карыйк.

    Ләкләк

    Кайсы биргән адресымны,
    Кем өлгергән әләкләп?
    Кызу июль иртәсендә
    Очып килде бер ләкләк.

    Миннән сорау-нитү дә юк,
    Алдан да бирми хәбәр:
    Килгән томшыгына тагып
    Ак төргәк, бавы – зәңгәр,
    Малай үстерәсе була,
    Миңа калдырса әгәр.

    – Мин бит яшь! – дип тә карадым,
    Юмаладым, алдадым.
    Әмма шулай да төргәген
    Алмый кала алмадым.

    Онытылды дискәтүкләр,
    Таңга чаклы биюләр.
    Җыелышып дуслар белән
    Кунакларга йөрүләр.
    Шушыдыр инде койрыкның
    Ябышуы, диюләр.

    Тормышымны үзгәртергә
    Ләкләк килүе җитте –
    Бер мизгелдә шаян кыздан
    Балалы ана итте.

    Инде тагын килсә бу кош
    Таптым бит җай алдарга –
    Танышларым адресларын
    Тапшырырмын аңарга!

    Гөлназ ТАЛИПОВА

    Замана әбие

    Заманадан калмыйм, диеп,
    Алып куйдым компьютер.
    Хәзер инде балаларым
    Авылга ешрак кайтыр.
    Юрауларым рас булды бит –
    Өзелмим кунаклардан.
    Компьютерым һич бушамый
    Яраткан оныклардан.
    Интернет, дигән әйбергә
    Керәләр дә китәләр.
    «ВКонтакте»да аралашып
    Хәлдән таеп бетәләр.
    Әллә чынлап сөйлиләрме,
    Белмим, бу – көлүләре? –
    Интернетта җиңел, диләр
    Оҗмахка керүләре.
    Алай булгач, көтеп тормыйк
    Җанның күккә очканын.
    «Бисмилла» дип эләктердем
    Компьютерның тычканын.

    Люция ӘБЛИЕВА

    Реклама

    Замана тукмаклары

    Замана үзгәрде, диләр,
    Зәмине үзгәргәндер.
    Бу зәминнең берни түгел –
    Йөрәге күгәргәндер.

    Заманымы, зәминеме –
    Белмим, нидер үзгәргән:
    Нәрсә соң бу, аералмыйм
    Хатын-кызны ирләрдән?

    Нәфислек юк хатын-кызда,
    Батырлык юк ирләрдә.
    Гел хатын-кыз эшләп йөри
    Ирләр эшләр җирләрдә.

    Ирләр тырнагын буяган,
    Хатын-кыз тоткан балта.
    Ирләрнең күкрәкләрендә
    Зур-зур... имчәкләр калка.

    Тугыз айлык көмәнгә тиң
    Ирләрнең корсаклары.
    Сәясәтчеләр кулында
    Ирләр дә курчак бары.

    Ихлас сүз күптән җан биргән,
    Җир ачулана шуңа.
    Хатын-кыз шәрә урамда,
    Почти анадан тума.

    Сәясмәннәр: бар да яхшы, –
    Диләр, – без булдырабыз!
    Алай ук булдыралмаслар,
    Бер ир-атка – унбиш кыз!

    Ниләр күрәселәр бардыр,
    Күңелдә – шом да шөбһә...
    Хатын-ат һәм ир-кызларның
    Җаннарын чаксын шөпшә!

    Нәҗибә САФИНА

    фото: pixabay.com

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Милек өчен салымны түләү - 1 декабрьгә кадәр
    • Бөтенроссия халык санын алу (ИНФОГРАФИКА)
    • ВИЧ-инфекция
    • Квалификацияләнгән электрон имза алыгыз
    • ФИНАНС КУЛЬТУРАСЫ
    • Бергә сайлыйбыз!
    • "Язмыш" газетасы
    • Китап тыңла!
    • Kazan Digital Week-2021 (1)
    • ТАВЫШ БИР: Иң матур җырчы гаиләсе