Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив
    • Яшь осталар көч сынашты «Үзегез сайлаган һөнәргә тулысынча бирелегез. Һәрчак камиллеккә барырга, үз эшеңдә иң яхшысына әйләнергә тырышырга кирәк»
      1900
      0
      6

    ҖИРДӘ ҖИДЕ МОГҖИЗА

     Рашат Низамиев шигырьләрен тәкъдим итәбез. Шагыйрьнең күбрәк шигырен "Идел" журналының февраль санында укый аласыз.

    Рашат Мияссәр улы Низамиев 1950 елның 1 мартында Саба районы Олы Мишә авылында дөньяга килә. КДУның татар теле һәм әдәбияты бүлегендә белем алгач, ике ел Биектау районы Олы Битаман авылы мәктәбендә балалар укыта. Аннан Казан заводларының берсендә газета хәбәрчесе, «Татарстан яшьләре» газетасы редакциясендә штаттагы хәбәрче, бүлек мөдире, җаваплы сәркатип, «Ялкын» редакциясендә җаваплы сәркатип, татар әдипләренең төп журналы «Казан утлары»нда бүлек мөхәррире, «Идел»дә баш мөхәррир була.

     СҮНМӘГӘН!
    Татарның Азатлык хыялы
    Сүнмәгән – ул дөрли, талпына!
    Тәңребез гаярь көч бирәчәк
    Дәүләтләр төзегән халкыма...


    ХЫЯЛ
    Тәнемдә – көч, җанда дәрманым күп,
    Тере йолдыз өзеп алырмын күк.
    Кояш көнләшердәй бер игелек
    Кылыр өчен соңга калырмын күк.

    ФАҖИГА
    «Катнаш никах – экзотика», – диеп,
    Йөрмә көфер сүзләр сөйләнеп!
    Денен сата, нәселен сата татар
    Марҗа кызларына өйләнеп...

    Реклама

    ЯШИМ!
    Яшим. Уйлыйм. Һәнүз алга барам.
    Күңелем сабый сыман шатлана.
    Әҗәлетдин белән беркайчан да
    Һич төземәс идем шартнамә...

    АБЫНА
    Сабый туды исә – гәүдәсендә
    Иң әүвәле очкын кабына.
    Гомер кичеп, соңгы очкын сүнсә –
    Әҗәленә килеп абына...


    ЯШЬ ГАНҖӘВИ
    Гомәр Хәйям! Синнән үрнәк алып,
    Кыска шигырьләргә мин күчәм.
    Гаҗәпмени – Ганҗәви затыннан
    Тагын бер оныгың юл кичә!..


    АВЫР ХӘЛ
    Моң-зарымны сөйләр өчен
    Мин кемгә соң эндәшим:
    Империядә туганмын,
    Богаулы илдә яшим.


    1833 ел
    Мәскәү юлы белде микән –
    Шагыйрь атта җилдергән...
    Күкләрдә бер хәбәр йөри:
    «Пушкин Казанга килгән!»


    ИНВЕСТОРЛАР
    Элеккеге колхоз басулары
    Сусап ята данга, хөрлеккә.
    Койрыксыз тавык сыман әнә
    Әйләнде дә калды «җирлек»кә...

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • КАЛЕБ. ЯҢА ДУЛКЫН
    • "Платим налоги - создаем будущее сегодня! "
    • Kazan digital week
    • Потребуй чек! Проверь чек!
    • Милли китап һәм көйләр
    • Язылган өчен мотоблок, ТВ, планшет һәм башка бүләкләр от!
    • Өр-яңа акция!
    • Журналга онлайн язылу