Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив
    • ВИЧка КАРШЫ "ЭКСПЕДИЦИЯ": БУШЛАЙ ТЕСТ ЯСАТА АЛАСЫҢ «Тест на ВИЧ: Экспедиция 2021» бөтенроссия акциясе 1-нче июньдә Санкт-Петербургта старт алды һәм 1-нче ноябрьдә Хабаровскта тәмамланачак.
      48
      0
      0
    • КЕШЕ ОРГАНИЗМЫ ЭССЕЛЕККӘ ТҮЗМӘСКӘ МӨМКИН Россия глобаль җылыну аркасында эсселек дулкыннары белән очрашкан беренче илләрнең берсе булачак.
      74
      0
      0
    • Агачлар ни турында җырлый - белеп кайт! 11-нче августта Горький исемендәге Казан паркында ачык һавада «Агачлар ни турында җырлый» дигән спектакль премьерасы була. 3 көн дәвамында казанлыларның Идел буе халыклары әкиятләренә нигезләнгән куелышны күрү мөмкинлеге булачак. Йолалар һәм халык җырлары нигезендә куелган «Агачлар ни турында җырлый?» спектакле дүрт әкияттән тора – удмурт «Красавица береза», чуаш «Юман-батыр», мордва «Дуболго Пичай» һәм мари «Волшебный меч». Спектакльдә Татарстан театрлары актерлары, Россиянең бәйсез артистлары һәм театр әһелләре катнаша. Куелышның режиссеры булып Сойжин Жамбалова чыгыш ясады. Аның сүзләренчә, әлеге спектакль – халыкның милли кодын тикшерү һәм аны ачык киңлектә театр телендә формалаштыру омтылышы. Әйтик, Горький исемендәге паркта зур кыр уртасында көзге елгасы җәелеп китәчәк, ә аның ярларында дүрт йорт урнашачак. Спектакль аша казанлылар Идел буеның һәр этник мәдәниятенең нәрсә эшләвен һәм заманча кешенең табигатьтән ни дәрәҗәдә ерак китүен белә алачак. Бу темаларга уйланырга һәм спектакльне бәяләргә 16 яшьтән алып барлык теләүчеләрне чакыралар. Күрсәтү Горький исемендәге паркта 11, 12 һәм 13-нче август көннәрендә узачак. Башлана – 18:30 сәгатьтә, куелыш озынлыгы – 2 сәгать. Спектакль рус телендә барачак. Исегезгә төшерәбез, проект Казан Мэриясе тарафыннан тәкъдим ителде һәм Татарстан Республикасында Туган телләр һәм халыклар бердәмлеге елы кысаларында әзерләнде.
      132
      0
      0
    • Дилә Нигъмәтуллина бала алырга җыена? Күптән түгел күптәнге хыялымны тормышка ашыру вакыты җитүен аңладым, дип яза ул
      132
      0
      0

    ИСӘРМЕСЕЗ

    Эльнар Байназаров – 1994 елгы. М.В. Ломоносов исемендәге Мәскәү дәүләт университеты студенты. Гарәп телен, икътисад өлкәсендәге халыкара мөнәсәбәтләрне өйрәнә. 2016 елда шул ук профиль буенча КФУны тәмамлый. 2012-2016 елларда Казан музыка көллияте шәкерте. «Алгарыш» программасы стипендиаты, Алманиянең Лейпциг университетында стажировка уза.

    «Ялкын», «Татарстан» журналлары хәбәрчесе, хәзерге вакытта «Известия» матбугат агентлыгында эшли.

    Илһамчылары дип, Бродский, Цветаева, Рильке шигырьләрен, Лусия Берлин әсәрләрен, татарлардан исә – Йолдыз Миңнуллина, Луиза Янсуар, Эльвира Һадиева иҗатын билгели.

    Фасыл тәмам.

    Яңа циклон яулап карый Казан ягын.

    Тозсыз, төссез, игез көннәр;

    миңа тагын

    салкын тигән, уйга иңгән.

    Белмим нигә

    синле чактан тыныч сәлам булып яңгыр

    шакый мигә.

    Болыт-убыр бу калага кәфен чигә...

    Идел бүген бер җиз тасма, балчык диңгез,

    күкне каргап, күккә бага, эзли тиң эз,

    эзли тиң йөз җыерчыклы сорылыктан.

    Вакыт артта арта.

    Симез нокта

    хәзер арган Ходай өчен

    дөнья эче...

    Фасыл тәмам.

    Бу өн белән хушлашканнар кире кайтмый,

    ирексезлек мәйданында асфальт чатный...

    Ә төннәрен пилот халкы ай йөзенә

    «Ходаегыз монда да юк», – диеп уя,

    Ходай моңа эндәшмәскә кыя.

    Яңа хаким – яңа фасыл – барлыгымны тыя...

    Синле яктан соңгы сәлам – тыныч яңгыр

    урамыма коя...

    ***

    Й.

    Пыялада бозлы тамчылардан

    теркәлмәгән аят сызымнары –

    Ходай мыштым үзе каеп йөри,

    Реклама

    кафедагы тонык күзлеләрдән

    ата күзле качкын улын эзлəп.

    Кичке кардан тәмам таланганнар,

    какшап тора фонарь өндәүләре.

    Бу кич артык җиңел үтерелә,

    Үкенүсез. Борын калкулыгы

    сөзәгәя жирле явымнардан.

    Бордюр ише төрле чиклəр яклы,

    күңел ике кесə күлəменə

    бүлгәлəнгəн. Метро тирəсендə

    бер ялгызы сатылмаган чыршы.

    Шәһәрара нәрсәдер гудогы

    соңга калуына үрсәләнә.

    Карлар гына, беркем күрмəгəнгə,

    үтə салмак тышлый тиеш жирен.

    Махсус таҗик махсус арбасында

    печəн ташый һəйкəл атларына.

    Күкне төймəлəүдəн арган шəһəр,

    актык вагоннардан арынгачтын,

    балалары үсеп беткəн йорттай,

    жиңел сулап, ипле каралана.

    Карлар гына. кала бөрмəсендə

    əрсез фонарь тагын инандырып

    карый миннəн ары торачагын.

    Сары уты – үзгə явым төре –

    чəчкə сеңə, юылмаска янап.

    Тəрəзлəргə терим маңгаемны,

    һəм n-нче сулы эңгер рəттəн

    пышылдавым: ничек сине кире...

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • "Язмыш" газетасы
    • Китап тыңла!
    • Kazan Digital Week-2021 (1)
    • ТАВЫШ БИР: Иң матур җырчы гаиләсе
    • Хәтер
    • Сезнең өчен уйныйбыз!
    • Наркотикларсыз тормыш
    • "Чтобы получить субсидию - убедись в отсутствии налоговой задолженности"
    • Занятость
    • Милли проект