Әдәбият

Кызлар колагына

Нурисә Мөхәммәтова Идеаль ир И тырышабыз хатыннар Ирне камил итәргә. Өйрәтәбез үзебезчә Аны тормыш көтәргә. Саран булмасын, акчаны Алып кайтсын ул көрәп. Күзләрен дә читкә түгел, Гел сиңа торсын төбәп. Чибәр дә булсын, акылы Ташып торсын үзеннән. Әниең яратуы да Күренсен күзләреннән! Бүләкләрен кызганмасын, Чәчәкләр бирсен гел дә, Күңелеңне күреп торсын Матур сүз әйтеп көн дә! Хәмер суын да капмасын, Тәмәке дә тартмасын. Иртән синең уянуга Сузып торсын кәһвасын… Өйгә кайткач, үзе юсын Керле күлмәк якасын… Таләпләре көн дә арта – Мескен ирләр чыдасын! Ирне тәрбиялим диеп Онытмагыз чамасын: Идеаль ир булып беткәч, Өйдән чыгып качмасын!! Хатыннар колагына Зарланганчы гел кемгәдер, Ачыйк серләрен тизрәк: Хатын булып яшим дисәң, Булырга кирәк зирәк! Хатын булып яшәп була, Тыя белсәң телеңне. Кулда тоталырсың шунда Яныңдагы иреңне! Хатын булып яшәп була, Әгәр «күпне» күрмәсәң! Иргә килгән хәбәрләргә Рөхсәтсез үрелмәсәң! Хатын булып яшәп була, Чисталыкны сакласаң. Башкалар барда иреңне Төлке кебек мактасаң! Яшәп була хатын булып, Белмәмешкә салышсаң! «Синнән генә була ул!» – дип, Иргә берәз елышсаң! Кирәкмәгәндә – кысылмый, Һәм дәшми кала алсаң! Гомер юлында иреңнең Уң кулы була алсаң – Шул чакта сиңа – мәртәбә, Шул чакта сиңа – тәхет! Ир хатыны булып яшәү Китерер бары бәхет!!!

Следите за самым важным и интересным в Telegram-каналеТатмедиа

Нет комментариев

Авторизоваться

Отправить

Показать все комментарии Написать комментарий