Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив

    МӘХӘББӘТТӘН ДӘВА ЮК

    Раил Мәүлет улы Гатауллин 1977 елның 1 мартында Кукмара районы
    Мәмәшир авылында туган. Казан дәүләт педагогика университетында татар мәктәпләрендә физика һәм информатика укытучысы белгечлеге буенча югары белем алгач, туган мәктәбенә укытырга кайта. Аннан аспирантура тәмамлый, студентларга белем бирә. Казан шәһәренең 5 нче татар гимназиясендә
    укыткан елларында да укучылар белән актив иҗат эше алып бара. Авиатөзелеш районы мәгариф идарәсе, ТР Мәгариф һәм фән министрлыкларында эшләгәндә мәктәпләрне интернетлы итү буенча тырышлык куя. «Белем.ру» порталы һәм «Татнетны үстерү фонды»на нигез сала һәм җитәкли. «Әдәби марафон», «Сәламәт иртә» кебек проектлар авторы.
    2018 елда Татарстан китап нәшриятында «Иң зур сер» дип исемләнгән шигырьләр җыентыгы дөнья күрде.

     ҖЫРЧЫЛАРГА СҮЗЕМ
    Язылмаса әгәр матур көйләр,
    Язылмаса шигырь юллары,
    Җырчы җырчы була алмас иде
    Гади кеше булыр иде нибары.

    Килми калса илһам шагыйрьләргә,
    Композитор моңга батмаса,
    Заллар тулы була алмас иде,
    Шигырь әгәр көйгә ятмаса.

    Алкышлыйк без, әйдә, шагыйрьләрне;
    Композитор, сине алкышлыйк!
    Җыр ошаса, шуны иҗат иткән
    Авторлары белән танышыйк.

    Һәм зур талант – шушы уй-хисләрне
    Ирештерә алу халыкка.
    Җырчы җырны, ә җыр җырчыларны
    Талант итеп илгә таныта.

     

    ***
    Кул кушырып утырганнар,
    Диванда ятып торганнар,
    Сериаллар караганнар
    Морадына ирешми.

    Үрләрне яуларга кирәк,
    Җиңүне дауларга кирәк,
    Алга атлау кирәк, димәк.
    Тик утыру килешми!

    Реклама


    ***
    Үткән – беткән, җилгә очкан, диләр.
    Үзгәртелми инде үткәннәр.
    Ныклы яши иртәгәсен уйлап,
    Бүгенгедән өмет иткәннәр.

     

    МАТУРАЯ КАЗАН!
    Матурая Казан! Кешеләрнең
    Күңелләре матурайган саен.
     Әллә туган ягым булгангамы
    Шәһәрләр аз Казан кебек тагын.

    Чәчәк ата татар башкаласы,
    Бөтен дөнья таный Казанны.
    Күңел тели мәдхияләр укып
    Казаныма җырлар язганны.

    Матурая Казан! Горурланам
    Халкы белән анда яшәгән.
    Елмай, Казан, арынырга вакыт
    Күзләреңнән аккан яшьләрдән!

     

    *Шагыйрьнең күбрәк әсәрләрен "Идел" журналының гыйнвар санында укый аласыз.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • ИДЕЛ. ГЫЙНВАР САНЫН УКЫЙБЫЗ.
    • "Отмена ЕНВД. Что делать?"
    • ИДЕЛ, ДЕКАБРЬ. ЭЧТӘЛЕК
    • ЯЗЫЛЫРГА ӨЛГЕРЕГЕЗ!
    • ӘДӘБИ МАРАФОН. ФОТОРЕПОРТАЖ
    • БЕЛЕМ ҖӘҮҺӘРЛӘРЕ. ФОТОРЕПОРТАЖ
    • ПОЛИЦИОНЕР. ТИНЧУРИН ТЕАТРЫ
    • Кышкы язылу өчен бүләк от!
    • ӘДӘБИ СУД. ИДЕЛ.
    • ИДЕЛ. ЯШЬЛӘР ШУРАСЫ