ҺӘРБЕР ДОГА - БӘХЕТ ӨЧЕН ТЕЛӘК

***

Ә иреннәр дер-дер нидер сөйли.

Йөрәк белән мең кат көйли-көйли,

Тозлы тамчыларны йоттың мулдан;

Тәсбих җебе һаман төшми кулдан:

“Туры юлны, Раббым, насыйп итсәң,

Күңелемдә иман булсын исән;

Ике дөнья сәгадәтен сорыйм,

Һәм бишвакыт намазымда булыйм”.

Хаклы булган икән мәчет карты:

“Бәхетеңне сорап алу кирәк.

Һәрнәрсәне кат-кат сора, балам,

Сорамыйча бирүчеләр сирәк”.

....Һәм бәхетне сорап алу кирәк.

Һәрбер дога – бәхет өчен теләк.