Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив

    СЕРЛӘРЕМНЕ СИҢА СӨЙЛИМ...

    Саҗидә Сөләйманова шигыре

    Серләремне сиңа сөйлим,

    Агыйделкәй, акмый тор.

    Айкама да, чайкама да,

    төпләрендә саклый күр.

     

    Агыйделкәй, һай агым су,

    тарая да киңәя.

    Серләремне тыңлады да

    салып куйды тирәнгә.

     

    ...Төнбоеклар көнгә чыккан

    Агыйделнең төбеннән.

    Реклама

    Төнбоеклар ник боек дип,

    таллар суга иелгән.

     

    Талларга сандугач кунып

    сайраган, таң атканда...

    Эч серләремне кошлардан

    ишеттем үз бакчамда.

     

    Агыйделкәй, серләремне

    сиңа гына сөйләдем.

    Саесканнар авызыннан

    ишетмәсен сөйгәнем.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • ИДЕЛ. ГЫЙНВАР САНЫН УКЫЙБЫЗ.
    • "Отмена ЕНВД. Что делать?"
    • ИДЕЛ, ДЕКАБРЬ. ЭЧТӘЛЕК
    • ЯЗЫЛЫРГА ӨЛГЕРЕГЕЗ!
    • ӘДӘБИ МАРАФОН. ФОТОРЕПОРТАЖ
    • БЕЛЕМ ҖӘҮҺӘРЛӘРЕ. ФОТОРЕПОРТАЖ
    • ПОЛИЦИОНЕР. ТИНЧУРИН ТЕАТРЫ
    • Кышкы язылу өчен бүләк от!
    • ӘДӘБИ СУД. ИДЕЛ.
    • ИДЕЛ. ЯШЬЛӘР ШУРАСЫ