СӘРБИНАЗ ШӘЙХЕЛОВА: «КЫЧКЫРМА, ТЫН ГЫНА КАБАТЛА»

Сәрбиназ Шәйхелова шигыре

Сәрбиназ Шәйхелова

Кычкырма, тын гына кабатла,
Ятланган (ятлаткан!) сүзләрне.
Без монда курчаклар, гомергә.
Шулай ди тегеләр,
Үзләре
Диюгә сатылган күптәннән.
Кычкырма-а, барыбер ишетмәс,
Кап-кара пәрдәле күңелләр.
Без акшар, җилләргә таралган,
Яңадан сибәрләр җәлләми.
Без курчак, без акшар.
Без-без-без.
Безлибез
саңгырау колаклар төбендә.
Сукырлар каршында биибез.
Бу - мәйдан. Шулай күнелгән.