Логотип Идель
Әдәбият

"Сөйлә!"

Бүген татар шагыйре, Татарстанның атказанган сәнгать эшлеклесе, Г.Тукай бүләге лауреаты, барыбызга таныш Рәдиф Гаташның туган көне! 79 яшен тутыручы шагыйребезне чын күелдән без дә гомер бәйрәме белән тәбрик итәбез. Шул уңайдан, сезне дә аның шигырьләре белән сөендерәбез.

Бүген татар шагыйре, Татарстанның атказанган сәнгать эшлеклесе, Г.Тукай бүләге лауреаты, барыбызга таныш Рәдиф Гаташның туган көне! 79 яшен тутыручы шагыйребезне чын күңелдән без дә гомер бәйрәме белән тәбрик итәбез. Шул уңайдан, сезне дә аның шигырьләре белән сөендерәбез. 

Сөйлә!
Бик күптәннән тавышың ишетмәдем.
Шундый тансык миңа!

Колак салыйм шатлыкларың чишмәсенә,
нинди көчләр шулай күчкән сиңа?
Мин бәхетле, тыңлыйм озак... Сөйлә!

Сөйлә серләреңне, яшь җанында
нинди хыяллар бар, сөйлә!
Чәч тузгытып җилдә, очынып көлә-көлә,
яшьлегеңнең назлы көен көйлә!

Язгы яңгыр кебек җылы сүзең —
чыланырга ризамын мин.
Кояш тә әнә чыгып килә,
сөйлә!

Сөйлә миңа имин юллар юрап,
кайтыйм синең янга тиз үк урап,
телә: кайгы миннән йөрсен ерак,
җил чәчмәсен җырларымны урлап.
Ә син сөйлә,
арыганчы сөйлә...
Мин киткәч тә, бергә чакны сагынып сөйлә.
Мин кайткач та,
күпләр кебек:
"Соңлап кайттың", — димә.
Шатлыгыма тимә!
Онытсаң да мине,сөйлә!

Һичьюгында,шулчак
кемне
ничек сөюеңне сөйлә!

Рәдиф Гаташ

Текст после содержания указынный в настройках

«Идел» журналы 16+

Теги: Шигърият, Рәдиф Гаташ

Следите за самым важным и интересным в Telegram-каналеТатмедиа

Нет комментариев