Әдәбият
ЯНА ДА СҮНӘ ШӘМ (Мөдәррис Әгъләмов)
Мөдәррис Әгъләмов шигыре
Мөдәррис Әгъләмов шигыре
Йокылы-уяулы
Мин аңа эндәшәм:
«Милләтем, яшәрбез,
Сатылып йөрмәсәң».
...Көн буе яна да,
Төн җиткәч, сүнә шәм,
Төн җиткәч, сүнә шәм.
Ай, Чулпан хәлемә
Керә дә көрсенә –
«Әйдәле бергә, дип,
Эндәшәм берсенә –
Көндезге шәм кебек
Көн җиттеме, сүнә,
Көн җиттеме, сүнә».
Йокылы-уяулы
Бер халәт килә шул.
Халыкның язмышы
Мыскыллап көлә – шул!
Ә өмет – шәм кебек
Яна да сүнә – шул!
Яна да сүнә – шул!
Катлам-катлам ятып
Ничә буын кала.
Бар тереклек дәшә:
«Уян инде, бала!»
Дүрт гасырдан артык
Шәм сүнә дә яна,
Шәм сүнә дә яна.
Йокылы-уяулы
Акылга килмәсәң,
Уяну мизгеле
Ләззәтен белмәсәң,
Яна да сүнә шәм.
Яна да сүнә шәм.
1990, 30 август
Текст после содержания указынный в настройках
«Идел» журналы 16+
Следите за самым важным и интересным в Telegram-каналеТатмедиа
Нет комментариев