Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив

    ЯШӘ, КУШТАУ!

    Реклама

    Кемнәрдер тауларны шартлата,
    Елгалар борыла кирегә.
    Карыйм да - танымыйм, ни булган -
    Мин Ватан дип белгән илемә?

    Йөрәкләр ярыла урталай,
    Бәгырьләр таш булып катканда.
    Тауларга кизәнгән адәмнәр
    Кан сорап котыра Ватанда.

    Җан сорап котыра Әҗәлләр -
    Чаларган Тау рухын рәнҗетеп.
    Тозлы яшь яңактан йөгерә -
    Яралар кузгала әчетеп.

    Юк әле, үлмәгән йөрәкләр -
    Кан тама - теп- тере куәт бар!
    Соң чиктә тартылган кылларны
    Карашлар, йодрыклар сүрәтләр.

    Иң соңгы алыш күк - тауларны
    Тау булып якларлык мизгелдә.
    Ватанга ышанган тамырым,
    Түз генә, түз генә... Өзелмә...

    17.08.2020

    Гөлүсә Батталова

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • 3-НДФЛ - 1
    • ТӘРТИП
    • ИДЕЛ. ГЫЙНВАР САНЫН УКЫЙБЫЗ.
    • "Отмена ЕНВД. Что делать?"
    • ИДЕЛ, ДЕКАБРЬ. ЭЧТӘЛЕК
    • ЯЗЫЛЫРГА ӨЛГЕРЕГЕЗ!
    • ӘДӘБИ МАРАФОН. ФОТОРЕПОРТАЖ
    • БЕЛЕМ ҖӘҮҺӘРЛӘРЕ. ФОТОРЕПОРТАЖ
    • ПОЛИЦИОНЕР. ТИНЧУРИН ТЕАТРЫ
    • Кышкы язылу өчен бүләк от!