Яшьлек — метро диварында язма гына

Яратмаска килдек без бу җиргә,
адашырга, сораулар эзләргә,
чираттагы сукмакларны санап,
башларны әйләндерергә,
югалырга,
моң кайгыртырга көйләргә.

«Сезнең шигырегездә матур рифмалар юк», —
ишетелә чираттагы почмакта.
Рифмалар — кешеләр кебек,
бер-берсенә тартыла,
минем шигырьләрдә
беркем дә кавышмый,
ерагая гына,
онытыла.

Яшьлек — метро диварында язма гына.

Камил Закирҗан

Рәссам Руслан Ибраһим