Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    Видео
    • НАРКОТИКЛАРГА - ЮК

    Яшьлек (Равил Рахмани)

    Реклама


    Күңелгә нур чәчелеп,
    Китте офык ачылып –
    Үсмерчакның урманында
    Торган тылсым яшеренеп:
    Аны җанлы шаулы тормыш
    Үзенә дәшеп ята;
    Дөнья картасы өстендә
    Җиһан ачылып ята.
    Җилпеп хыял каурыйларын,
    Вакыт ашыгып ята:
    Күзләр – көндә, койрык – төндә,
    Канат – таң чыгып ята.
    Илһам тузгып, санак тулы
    Хәреф-чәчүлек ята…
    Иҗат кыры сөрелмәгән –
    Бәхет чәчелеп ята!
    Пошаманга калып, йөрәк
    Гыйшкын чакырып ята;
    Татлы балкыш, ачылмыйча,
    Газап качырып ята.
    Яшәү кыры – утлы яра:
    Сөю, көнчелек, хата;
    Тышы – тарих, эче – гыйбрәт,
    Чынлык – янчелеп ята.
    Кавем-кавем язмыш кайта –
    Нәфрәт-яхшылык сайтта;
    Кеше гаме... сүз табалмый
    Җирдә басылып ята.
    Күпме яңа дөнья ачты
    Яшьлек-шагыйрь төн ката…
    Алда – шәхес сукмаклары
    Яшеренеп көтеп ята!

    Равил Рахмани

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Милек өчен салымны түләү - 1 декабрьгә кадәр
    • Бөтенроссия халык санын алу (ИНФОГРАФИКА)
    • ВИЧ-инфекция
    • Квалификацияләнгән электрон имза алыгыз
    • ФИНАНС КУЛЬТУРАСЫ
    • Бергә сайлыйбыз!
    • "Язмыш" газетасы
    • Китап тыңла!
    • Kazan Digital Week-2021 (1)
    • ТАВЫШ БИР: Иң матур җырчы гаиләсе