-
Yummy Music зур концерт куячак. Барабызмы? 14 март көнне ТР Милли китапханәсендә Yummy Music зур концерт куя.
-
“Ак чәчәкләр кебек” премьерасының төп үзенчәлеге - авторында Г.Кариев исемендәге Казан татар дәүләт яшь тамашачы театры 33 сезонның бишенче премьерасын тәкъдим итә.
-
КЫЯМОВЛАР МИЛЛИ ГОРУРЛЫК УЯТА ТОРГАН ПРОГРАММА ӘЗЕРЛӘГӘН 13 март көнне Тукай районының Сәмәкәй авылында җырчы, халыкара конкурслар лауреаты Сөмбел һәм актер, журналист Идел Кыямовлар музыкаль-шигъри кичә оештыра.
-
ТӨРКИЯ ЖУРНАЛЫ ҺАДИ ТАКТАШ ТУРЫНДА ЯЗА Төркиядә татарның күренекле шагыйре Һади Такташ турында әтрафлы мәкалә дөнья күрде.
-
Олы яшьтәге ир белән хатынны, аларның киленен һәм алты яшьлек оныгын үтергән Мәрхүмнәр барысы да коттеджда булган. Җинаятьче пенсионерларны буып үтергән, киленне башта көчләгән, аннары пычак белән кадаган, бала караватында ята торган сабыйны да үтергән. Ул берничә көн элек кенә туган көнен бәйрәм иткән булган.
-
Илсөя Бәдретдинова: "Бер күлмәк кенә булмады бу..." Җырчы Илсөя Бәдретдиновага ниләр генә язмыйлар...
-
Егетләр колагына: кызларга нинди бүләк ошый? Бик тиздә 8 март - Халыкара хатын-кызлар көне җитә. Гүзәл затларыгызны ничек сөендерергә белмисезме? Нинди бүләк алыйм, дип баш ватасызмы? Ә безнең сезгә берничә киңәш бирәсебез килә.
-
SMM буенча онлайн-курслар башланып китте Программа гамәли биремнәрдән һәм лекциядән тора.
Яз тулы көл исе һаваларда...
Лилия Гыйбадуллина шигырьләре
* * *
Кайсы ыру тирмәләрен җилләр булып йолкыйсың син,
Вакыт?
Кайда сукмак башың?
Кайда туктыйсың син?
Кайсы көзге күләгәсе синең йөзең?
Кай төрбәләр тынлыгында йоклыйсың син?
Сулышыңнан корыч калкан тузан була,
Җарияләр карашына картлык куна.
...Ишетәмсең, шаулый зират каеннары:
Читлегеңдә яңа сабый туа!
Синең хәтереңә яңа тарих -
Тарихыңа яңа исем иңә.
Хозурыңа кабул кыл да, озата бар,
Кулларыңа яңа курчак керә!
Ул, бичара, тәти күлмәк киеп,
Истәлеккә диеп, сурәт ясар...
...Кай тирмәләр сине ымсындыра?
Кайсы сылу сиңа тәрәз ачар?
Далаларга дары исе сибеп,
Кайсы чаптар дагасына кундың?
Ябырылдың кайсы тарафлардан?
Кай языклы аналардан тудың?
Биләмәңә яу чабалар хәтирәләр,
Сагынулар сөңге булып оча.
Бары да сына, бары да сындырыла.
Үкенүләр генә кочак-кочак...
Кайсы ыру атлый мәңгелеккә?
Синең сулыш кайсы тирмәләрдә?
...Тәти күлмәк кигән чая кызчык – кем сурәте?
Синең сурәтме әллә?..
* * *
Күкләр җөръәт итмәс биеклек бар,
Кагылырга кыяр-кыймас хисләр.
Тынчу томан тулы иртәләр бар,
Ай нурына тулган якты кичләр.
Кичер мине, тормыш торгынлыгы,
Түгелергә торган чакларым ла.
Хисләремнең көйсез кыргыйлыгын
Калкан иттем, синнән сакланырга.
Яңа көннәр. Көн тулы яз менә,
Яз тулы көл исе һаваларда.
Иске хисләр яна, ялкыныннан
Җанда яңа хисләр яралана.
Күкләр җөръәт итмәс биеклеккә
Бары төтен генә күтәрелә.
Яз исеннән шыр исерек галәм
Көн артыннан төннәр көтә менә.
Иләс хисләр әсире без бүген.
Яз җилләре кыяр-кыймас әле.
Томаннарда таңнар адашканга,
Көннәремнең шундый кыргый мәле.
* * *
Карурманда ап-ак җилләр исә.
Тын сукмаклар тора тыелып.
Тояк эзләренең кайнарлыгы
Тузаннарга калган уелып.
Карурманда ап-ак җилләр исә,
Имән иңнәрендә ай юлы.
...Җир йөзенә җете буяу уйган,
Читекләре булган каюлы.
Җырлап узган, җыры җылы булган,
Ак җилләргә җәйгән колачын.
Яңа төсләр белән яңарткан ул
Тормыш дигән яшәү йоласын.
Куенында кайнар җаны булган,
Күкрәгендә булган йөрәге.
Җиргә каты басып атлаган ул,
Белеп йөргән илгә кирәген.
Карурманда ап-ак җилләр искән,
Йөрәгенә аның кагылып.
Йөрәк ялкынының кайнарлыгы
Эзләренә калган ягылып.
Һәм үз юлы буйлап атлаган ул,
Һәм ятлаган чорлар дастанын.
Читекләре тулы ирек булган,
Ир-егеткә ни кирәк тагын!?
Карурманда ап-ак җилләр искән,
Юлларына еллар ябылган.
Мәңгелекнең моңлы өне булып,
Ак җилләргә җыры сарылган.
Каннан канга, җаннан җанга күчеп
Киләчәккә кайтыр моң дисәм -
Карурманда ап-ак җилләр исә.
Алар тавышында без исән...
* * *
Утлы карлар булып ява беләм.
Язлар кырыс, кышлар – кырык кыллы.
Кыеклардан тамчы булып тамам,
Таштан юллар ярам. Минем улым
Ул юлларда гөлләр үстерер.
(Карлар булып күктән җаным яуса,
Йөрәгенә аның ут керер...)
...Көн-таң атса, бездә җилләр исә –
Ала-кола, әллә нәрсә шунда.
Утлы карлар булып яна беләм,
Ява беләм. Елый белмим шуңа.
Язлар куа. Чыбыркылый җилләр.
Алда, диләр, җәйләр. Алда җылы.
Гөрләвеккә ияреп улым чаба.
Гөрләвекләр булып язым елый.
* * *
Көнем ятим синсез.
Нәрсә әйтим,
Таңнар атты менә тәрәзәмдә.
Март иртәсе бүген,
Яз иртәсе.
Көннәр җылы, диләр.
Яз галәмдә.
Минем тәрәзәмне каплый бүген
Килер язның сагыш пәрдәсе.
Ачып кына булмый, күңел күнми,
Килешлеме әллә нәрсәсе.
Җетелеге уңган, тузан кунган –
Тәрәзәмдә бүген гүя томан.
Зәңгәр төстә. Мин ярата торган.
Томан аша язга карап торам.
Язым ятим синсез.
Синсез язым
Салкыннардан салкын көз ише.
Сагыш пәрдәсендә – синең караш,
Дөньясында әле юк кешем…
Лилия Гыйбадуллина
Иң мөһим һәм кызыклы язмаларны Татмедиа Telegram-каналында укыгыз