Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив

    ҖЫЛЫҢНЫ УЧЫҢДА КАЛДЫР СИН...

    Алмаз Илдар улы Мансуров 1991 елда Казан шәһәренә туган. 14 яшьтән иҗатта. «Иделем акчарлагы», «Таян Аллага» бәйгеләренең Гран-при иясе. «Мәхәббәт әкияте» китабы авторы. 2015 елдан Язучылар берлеге әгъзасы. Хәзерге вакытта 7 нче интернат лицейда тәрбия эшләре буенча директор урынбасары булып эшли.

    Җиңелү

    Синең газап утта эреп бетәр!
    Җил очырыр калган тузанын.
    Соңгы сәгать...
    Курку шакый җанга,
    Сизмәссең дә гомер узганын.

    Моңсулыгың күләгәдәй ятар,
    Чак-чак атлый куркак аяклар.
    Язмыш өчен...
    Җиңү? Җиңелүме?
    Гомер ашыктырган ул яклар.

    Бар да яхшы булыр! Җиңелербез!
    Җиңәр безне соңгы мизгелләр!
    Вакыт кына бушка,
    Акыл белән йөрәк
    Әрәм итеп аны изделәр!
    Кем син, миләш?

    Сер

    Таң калабыз!

    Кызыл миләш

    Дөньяның нуры, яме!

    Тыштан матур,

    Тик авызны

    Бөрештерә аның тәме.

    Сезгә карап таң калам мин,

    Сезгә карап сокланам...

    Эчегездә ниләр бардыр?

    Куркыта бит, йә, Аллам!


     

    Киткәндә санаулы минутка...

    Санаулы минутлар эченә,

    Киткәндә якының яныннан,

    Җылыңны учыңда калдыр син,

    Тамчылап җыеп сал җаныңнан.

    Санаулы минутка киткәндә,

    Карап кал күзләргә, иренмә...

    Назыңның күренмәс эзләрен

    Мәңгегә калдыр син ирендә.

    Санаулы минутлар өчен дә,

    Япма син ишекне бик ныклап,

    Күзләрен ишектән алмыйча,

    Көтәдер, тавышың ул тыңлап?

    Санаулы минутка киткәндә,

    Ялгышып, күп вакыт үтмәсен!

    Ирендә кайнарлык бетмәсен,

    Җаныңны салкынлык көтмәсен!

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Журналга язылыгыз
    • Язылу декадасы башланды!
    • "Серая зарплата и ее последствия"
    • татмедиа кибете. Журналлар
    • Хатлар йорты
    • Онлайн-кибет
    • Язылу
    • "Большая перемена"
    • Китап радиосы
    • Тәртип радиосы