10 мең сум кемнәргә бирелер?

Кичә РФ президенты Владимир Путин үз чыгышында 3тән 15 яшькә кадәр балаларга бер тапкыр 10 мең сум акча түләнәчәк, диде.

"Бу акчага кемнәр дәгъва итә ала?"-  дигән сорау һәр ата-анада тугандыр. 3тән 15 яшькә кадәр балалары булган гаиләләргә, керем дәрәҗәсе нинди булуга карамастан, һәр балага 10 мең сум күләмендә бер тапкыр пособие түләнәчәк.

   Мондый түләүгә гаризалар ата-аналардан 1 октябрьгә кадәр кабул ителә. Шуңа күрә ашыгырга кирәкми.

     Гаризаны “Госуслуги” порталы аша тапшырырга мөмкин. Анда соралган бар мәгълүматны тутырырга һәм акча күчерү өчен банктагы исәп номерын күрсәтергә кирәк. Яшәгән урын буенча Пенсия фонды идарәсенә дә мөрәҗәгать итәргә була. Пособиеләрне пенсия фондының территориаль органнары 2020 елның июненнән түли башлый.