14 февральга багышланган конкурсның җиңүчеләре билгеле!

"Идел" журналы гашыйклар көненә багышлап конкурс игълан иткән иде. Җиңүче пар "Идел" журналының иң матур пары буларак сайланып журнална эләгә дип сөйләшенгән иде.

Ниһаять нәтиҗәләр чыгарырга да вакыт җитте! 

Конкурсның икенче этабына нибары 7 пар чыкты. Парлар өчен дуслары, туганнары, танышлары һәм бер дә таныш булмаган кешеләр тавыш бирде. Ә без көн дә накруткалар булмавын тикшереп тордык.

Тавышлар исәбе буенча, беренче урынга Рөстәм белән Гөлия пары чыкты! Алар өчен барллыгы 375 кеше тавыш биргән! Җиңүчеләрне чын күңелдән тәбриклибез.

Икенче урында Дамир белән Гөлфия пары. Беренчеләрне куып җитәргә аларга нибары 8 тавыш җитмәде! Шулай ук күптән түгел генә гаилә корган Дилүс белән Динара да шактый тавыш җыя алды. Барлык катнашкан кешегә безнең белән булганнары өчен рәхмәт әйтәсе килә!