19 ЕЛДА ҺӘР ТАТАРСТАНЛЫ МИЛЛИОНЕР БУЛА АЛА

Күпчелек Россия төбәкләрендә яшәүчеләргә 1 млн сум туплау өчен 20 елдан артык вакыт таләп ителә.  РИА "Новости" тикшеренүе шуны күрсәткән. Исәпләүләр ай саен төбәктәге медиан хезмәт хакының 10% ын тулыландырыла торган банк счетында җыюны күздә тота.

Татарстанлыларга миллион җыярга 19,3 ел кирәк. Республика халыкның күп акча җыю мөмкинлеге булган төбәкләр рейтингында 36 нчы урынны алган. Татарстанда 1 млн сумны 30 ел эчендә дә эшли алмаган хезмәткәрләр өлеше 11,5% дип бәяләнгән.

"Тулаем алганда, 11 төбәктә миллион туплау өчен 15 елдан кимрәк вакыт кирәк, ә 44 төбәктә бу зур сумманы 20 елдан артык җыярга туры киләчәк", - дип билгелиләр аналитиклар.

Чукоткада миллионны 8 елдан да кимрәк (7,8 ел) вакыт эчендә җыярга мөмкин. Икенче урында Ямал-Ненец автономияле округы (8,6 ел). Әлеге төбәкләрнең лидерлыгы нефть чыгару тармакларында югары хезмәт хаклары белән билгеләнә.