200 мәктәп арасында Татарстанның җиде мәктәбе дә бар!
RAEX рейтинг агентлыгы тарихта беренче тапкыр (РАЭКС-Аналитика) мәгълүмати технологияләр өлкәсендә Русиянең иң яхшы мәктәпләре рейтингын игълан итте.
RAEX рейтинг агентлыгы тарихта беренче тапкыр (РАЭКС-Аналитика) мәгълүмати технологияләр өлкәсендә Русиянең иң яхшы мәктәпләре рейтингын игълан итте. Рейтингның максаты – ИТ өлкәсендәге иң яхшы югары уку йортлары өчен студентларны кайсы мәктәпләр әзерләп бирүен белү иде. Мәгълүмати технологияләр өлкәсендә иң яхшы мәктәпләр исемлегенә 200 мәктәп керде, шуларның 44е – Русия төбәкләреннән. Мәскәү һәм Мәскәү өлкәсе мәктәпләре исемлекнең өчтән берен били (71 катнашучы), Новосибирск һәм Санкт-Петербургтан – унар мәктәп, Воронеж өлкәсе һәм Татарстаннан – җидешәр мәктәп.
Рейтингның 16нчы урынында (Татарстан мәктәпләре арасында беренче урын) – Казанның 131нче лицее. Федераль исемлекнең 56нчы юлында – КФУның IT-лицее. Беренче йөзлеккә (99нчы урын) КФУның Лобачевский исемендәге лицее да кергән. 105 урында – Яр Чаллы шәһәренең 26нчы лицее. 126нчы урында шулай ук Чаллы мәктәбе – А.С.Пушкин исемендәге 78нче лицей. Казанның тагын ике мәктәбе – икенче лицей-интернат һәм 39нчы мәктәп – 169нчы һәм 192нче урыннарда.
Рейтинг төзү барышында 8 меңнән артык Русия мәктәбенең 2018 елда иң яхшы профильле вузлардагы ИТ белән бәйле юнәлешләргә укырга кергән 30 меңгә якын чыгарылыш укучысы турында мәгълүмат җыелган. Тикшеренүләр RAEXның методология принципларына нигезләнә – иң яхшы мәктәпләр исемлеген төзегәндә, аларның академик мохиттә абруй казануы исәпкә алына. Шулай ук вузларга кабул итү кампанияләре турында эксклюзив мәгълүмат кулланылган – RAEX агентлыгы аны турыдан-туры югары уку йортларыннан алган.
Рейтингны тулысы белән RAEX (РАЭКС-Аналитика) сайтында карарга мөмкин.
«Идел» журналы 16+
Теги: Татарстан
Следите за самым важным и интересным в Telegram-каналеТатмедиа
Нет комментариев