6 апрель: коронавирус буенча рекорд

Россиядә бүген коронавирусның 954 очрагын ачыкладылар. Бу рекорд. Мисал өчен, 5 апрельдә 658 очрак, 4 апрельдә - 582, 3 апрельдә - 601, 2 апрельдә - 771, 1 апрельдә 440 очрак табылган була.

Татарстанда бүген коронавирусның 16 очрагы ачыкланган. Барлыгы Татарстан буенча 41 очрак теркәлгән. Россиядә бүген әлеге вирустан ике кеше вафат булган: берсе Коми Республикасында, икенчесе Мәскәү өлкәсендә.
Барлыгы Россия күләмендә 47 кеше әлеге вирустан гүр иясе булган.
Татарстан авыраучылар саны буенча 14нче урында тора.