АЧЫК ҺАВАДА ШУГАЛАК АЧЫЛА

19 декабрьдә Казан ярминкәсендә ачык һавада шугалак ачыла. Бу хакта Enter хәбәр итә.

Программа 12:00 сәгатьтә башлана. Ярминкә кунакларын фестиваль көтә. Фигуристлар чыгышыннан соң, шугалак килүчеләр өчен ачык булачак. Шунда ук фигуралы шуу буенча тренерлардан мастер-класслар да узачак.

19:00 сәгатьтә фаер-шоу чыгышы көтелә.

Эш көннәрендә шугалак 15:00 дән 22:00 гә кадәр ачык булачак. Ял һәм бәйрәм көннәрендә - 11:00 дән 22:00 гә кадәр эшлиячәк. 

19 декабрьдә бу мәйданчыкта шулай ук Яңа ел ярминкәсе һәм Christmas Village Яңа ел бүләкләре фестивале узачак.

Ял һәм бәйрәм көннәрендә фудкорт эшләячәк.

Быел Казанда тугыз – өсте ябулы һәм тугыз ачык шугалак эшләячәк, аларда 3 меңнән артык тимераякны прокатка бирү пунктлары оештырылачак.