Алинә Заһитова закон бозганын видеога төшергәннәр (тавыш чыгарган видео)

Фигуралы шуу буенча дөнья чемпионы булган татар кызы Алинә Заһитова бер ничә көн элек, үзенең 17 яшьлеген бәйрәм итте. 18 яше тулмауга да карамастан, ул инде рульдә йөри. Үзе социаль челтәрләргә элгән видеодан күренгәнчә, Алинә  үзегең туган шәһәре Ижевскта рульдә бара. җитмәсә куркынычсызлык каешларын да эләктермәгән.  

Хокук бозу турындагы материалларны штраф билгеләү өчен Ижау шәһәренең Ленин районына җибәргәннәр.

— Дәүләт автоинспекциясе хезмәткәрләре әлеге факт буенча 12.7 статьясы кысаларында тикшерү үткәрә. Аның нәтиҗәләре буенча гамәлдәге закон кысаларында процессуаль карар кабул ителәчәк, — дип хәбәр итә Удмуртия буенча Эчке эшләр министрлыгы матбугат хезмәте.

Бер яктан карагнада, бу видеоның нигә шулай тавыш куптарылганы да аңлашылмый. Арабызда кемнең  генә кечерәк чакта абыйсының яки әтисенең руленә утыртырга сораганы юк икән. Икенче яктан, Алинә танылган кеше, һәм ул яшьләр өчен дә үрнәк, шуңа күрә, һәр гамәленә җаваплылык белән килергә тиеш.

Ә сез бу турыда ни уйлыйсыз?