Алмаз Мирзаянов Илсөя Бәдретдиновага: "Тегеләр кебек булма!"

Күптән түгел генә Илсөя Бәдретдинова туган көнен билгеләп үтте. Инстаграм социаль челтәре аны котлаулар белән белән тулды. Бигрәк тә җырчы Алмаз Мирзаяновның язган тексты эстрадада барган вакыйгаларга ишарәли кебек.

"Туган көнең белән, дустым! Шундый икенче төрле булып кал, яме! Тегеләр сыман булма! Син менә шушылай әйбәт! Һәм теге елмайтучыңның сәламәтлеге дә, сабырлыгы да нык булсын", - дигән Алмаз. "Тегеләр сыман булма" дигән сүзе аеруча игътибарны җәлеп итә һәм интрига уята. Ландыш Нигъмәтҗанованың сүзләренә кушылып, Илсөя дә видеоязма урнаштырган иде бит. Бәлки Алмаз укучыларын уйландырырга гына теләгәндер? Кем белә бит! Язылучылары да котлауны бәяләп, "Беләсе иде тегеләрнең кем икәнен. Үзенчәлекле, Алмазның үзенә хас котлавы", - дип җавап биргән.