Анастасия Заворотнюк параличланган булуы турындагы хәбәр дөреслеккә туры килми

Кичә бик күп матбугат чаралары актриса Анастасия Заваратнюкның гомерлеккә параличлануы турында язып чыккан иде. Мондый "фараз"ның чыганагы телеграм порталында булуы ачыкланды. Актрисаның рәсми инстаграм бите әлеге имеш-мимешнең дөреслеккә туры килмәвен хәбәр итте. 

"Интернетның бу темага карата тынычлыгы озакка бармады. Бәйрәмнәр алдыннан позитив фикерләү, бүләкләр алу, куану урынына куркыныч, негатив, гайбәт хәбәрләр таратучылар да табылды. Бу хәбәрләргә ышанганчы, "үзеңә теләмәгәнне башкага да теләмә" - дигән бик зирәк халык сүзен искә төшерегез. Анастасиягә позитив энергия җибәреп торучыларга рәхмәт!" - дип язганнар podderzhka_azavorotnyuk инстаграм аккаунтында. Актрисаның бүгенге хәләте турында берни дә хәбәр ителми.