Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    Видео
    • Стресслы хәлләргә ни рәвешле ресурслар тупларга

    «Апуш» татар балалар театр студиясенә 80 гә якын бала кастинг узган

    Казанның Ленин исемендәге мәдәни-ял комплексында «Апуш» балалар татар театр студиясенә кастинг узды. Анда Татарстанның Казан, Балтач, Биектау, Арча һәм Саба районнарыннан 9 яшьтән алып 15 яшькәчә 80 бала катнашты.

    Кастингта катнашучылар үзләренең талантларын күрсәттеләр – җырладылар, музыка уен коралларында уйнадылар, әсәрләр укыдылар һәм биеделәр, шулай ук жюри әгъзалары биремнәрен үтәделәр. Кастингта катнашучыларны Татарстанның халык артисты, К.Тинчурин исемендәге театр актрисасы Зөлфия Вәлиева, Татарстанның атказанган артистлары, Г.Камал исемендәге театр актерлары Миләүшә Шәйхетдинова һәм Алмаз Сабирҗанов, «Апуш» студиясе җитәкчесе, актерлык осталыгы буенча студия остазы Алия Фәйзрахманова бәяләде, дип хәбәр иттеләр Казан Башкарма комитетының Тел культурасы өлкәсендә милли сәясәтне тормышка ашыру бүлегендә.

    Алты сәгатькә сузылган кастинг нәтиҗәләре буенча, катнашучыларның якынча исемлеге билгеле булды, аны сылтама буенча карарга булла. Бу укучылар ике атна дәвамында театр студиясе дәресләренә йөриячәк. Аларның нәтиҗәләре буенча 38 кешедән бары тик 30 укучы сайлап алыначак, һәм алар Ленин исемендәге мәдәни-ял комплексы базасындагы «Апуш» балалар студиясенең тулы канлы шәкертләре булачак. 

    Реклама

    Исегезгә төшерәбез, тагын бер студия «Чулпан» мәдәни үзәгендә ачылачак. Анда уку өчен кастинг узарга кирәк, ул 11 нче сентябрьдә 12.00 сәгатьтән 18.00 сәгатькә кадәр узачак. Бу көнне яшь талантларны ТР атказанган артисты, Г.Камал исемендәге театр актеры Алмаз Сабирҗанов, ТР атказанган мәдәният хезмәткәре, сәхнә теле буенча педагог Илсөяр Шиһапова, вокалист Гөлнара Шәйхетдинова, хореограф Миләүшә Гыйльметдинова һәм «Апуш» студиясе җитәкчесе Алия Фәйзрахманова бәяләчәк. Кастингта катнашуга гаризалар teatrstudio_kzn@mail.ru электрон адресы буенча кабул ителә, исем, фамилияне, әтисенең исемен, яшь һәм элемтә өчен телефонны күрсәтергә кирәк. 

    «Апуш» балалар татар театр студиясе 2022 елның февралендә «Сәйдәш» мәдәният үзәгендә ачылды. Ул вакытта сайлап алу турында 100 катнашучыдан 30 баланы сайлап алдылар. Татар телендә белем бирү программасы актерлык осталыгы, вокал, сәхнә теле, сәхнә хәрәкәте дәресләрен үз эченә алган. Студия эше, нигездә, укучыларда татар теленә карата кызыксыну уятуга һәм милли мәдәниятне үстерүгә юнәлдерелгән. Шулай ук «Апуш» яшь башкаручыларга үз сәләтләрен ачарга ярдәм итә. 

    Укучылар укытучылар белән бергә бер ай дәвамында татар телендә Тукай иҗатына багышланган «Апушның тылсымлы төшләре» спектаклен әзерләде. Студия премьерасы июньдә узды. Аны Казан шәһәре Мэры Илсур Метшин, Татарстан Республикасы Президенты каршындагы татар телен һәм Татарстан Республикасында яшәүче халыкларның туган телләрен саклау, үстерү мәсьәләләре комиссиясе рәисе Марат Әхмәтов тамаша кылды.

    Чыганак: kzn.ru

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Арктикага чакыру
    • Үзмәшгульләргә!
    • Уңайлы шәһәр мохите формалаштыру
    • Физик затларның керемен декларацияләү
    • Санкция чикләүләре шатларында Россиянең финанс системасы эшчәнлеге
    • Налог бурычларың турында хәбәрдар бул!
    • Наркотиксыз тормыш
    • Тәртип радиосын тыңла
    • 3-НДФЛны - 30 апрельгә кадәр
    • "Китап" радиосын тыңла!