Атналык һава торышы

“Ниһаять, кыш килеп җитте!” дип шатланырга да өлгермәдек, икенче көнне тагын җылытып куйды. Туннарыгызны кире җыеп куйсагыз да була, аның хәтле үк салкын булмас, дип вәгъдә итә гидрометерологлар.

Бүген иртән Казанда -1° градус булса, кичкә 0° булачак икән.
25 февральдә иртән 0°, көндез +2°, ә кичен 0° булыр дип көтелә.
26 февральдә бераз суытачак: иртән -4°, көндез -1°, ә кичкә таба -5° суык булачак.
27 февраль исә җылырак булыр, ди белгечләр: иртән +1°, көндез +3°, кичен +2°.
Җомга көнне, 28 февральдә, дә плюслы температура: иртән +2°, көндез +4°, кичен +2°.
29 февральдә иртән 0°, көндез +3°, кичен 0°.
1 мартта исә иртән -4°, көндез +1°, ә кичкә таба - 3° була, дип хәбәр бирә гидрометерологлар.