Автобуста карта белән түләүне кабул итми, кесәмдә бер тиен дә акчам юк, миңа нишләргә? 

Иртә, кеше белән тулган автобус, хәтта ишеге дә ябылмый, бер баштан икенче башка эртенә-төртенә кондуктор йөри. Барыгызга да танышмы? Әле соңгы арада, моңа өстәп, кондукторлар белән сүзгә кешеләрне дә өстәргә кирәк. Бу инде хә гадәти хәлгә дә кереп бара бугай... 
Автобуслар акчасыз түләүгә күчкәч, кондукторлар белән килеп чыккан очраклар турындагы хәбәрләр тукталмый. Көн саен кәнәгатьсезлек белдергән кешеләр күбәя генә. 
Система беренче июльдә тулы көченә эшли башлады, әмма әлегә кадәр түләүләрне кабул итүдән баш тарта. “Кешеләр карта күтәреп тора, кондуктор түләүне карта белән кабул итүдән баш карта. Бу очракта нишләргә?” дигән сорау еш яңгырый, җавап биреп карыйк. 
Әгәр терминал эшләми икән, нишләтәсең, димәк сез бушка барачаксыз 
Картагызда акчагыз бар һәм ул чикләнмәгән икән, ләкин түләү узмый, барысында да терминал гаепле. Сез бу очракта бернишли дә алмыйсыз. Автобустагыларга моның белән килешергә туры киләчәк: сез бушлай барасыз. Кондуктор аргументларга каршы торса, теләсә нинди ысуллар белән түләргә яки автобустан куып чыгарырга тырышса, ул - хаклы түгел. 
Әгәр мондый хәл булса, Казанның транспорт комитетына - 275-30-50 номеры буенча шалтыратыгыз. 
Терминаллар кайчагында “бунтуют” 
Күптән түгел казанлылардан бер тапкыр барган өчен терминал 279 сум акча алган иде. Барысы да гади генә хәл ителде. Бу массакүләм буталчык булган, шуңа күрә транспорт компаниясе акчаны шундук кире кайтарды. 
Сез терминал белән бәхет елмаймаган бердәнбер кеше икән, сезгә ОАО «Транспорт карта»сы дигән җиргә кире кайтару өчен гариза язарга туры киләчәк. 
Димәк, дуслар, дөнья булгач төрле хәлләр була. Шуңа күрә, русча әйтмешли,“На всякий случай” кесәгездә кәгазь акча йөртегез. Кондуктор килде, акчагызны бирдегез, бар кешедә кәнәгать. 

Ибәтуллина Илүзә