Авыл яшьләре конгрессы: Яшьләрне нәрсә борчый?

Казанда Халыкара авыл яшьләре конгрессында Татарстан Дәүләт Советы Рәисе урынбасары Татьяна Ларионова форум вәкилләрен демография турында сөйләшергә өндәде. Бу хакта tatar-inform.tatar хәбәр итә.

Татьяна Ларионова яшьләргә үз сүзләрен әйтергә, яңа инициативалар кертергә тиеш булуларын да ассызыклады. Кайберләре закон дәрәҗәсендә каралачагын да белдерде.  Унике илкүләм проект арасында ул "Демография" проектына аерым басым ясады. Беренчедән, бүгенге көндә авылларда балалар аз туу проблемасы бар. Кайбыч, Тәтеш, Алексеевск, Кама Тамагы, Питрәч, Балык Бистәсе, Спас районнарына рәхмәт, аларда балалар күп туа, ләкин Тукай, Менделеевск, Әлки, Минзәлә, Яңа Чишмә, Чирмешән районнарында балалар туу күрсәткечләре кимегән. Шуңа күрә бу мәсьәләгә яшьләр игътибар итәргә кирәк дип саный ул.

Парламент җитәкчесе урынбасары, демография белән бәйле сорауларны күтәрүдә Әгерҗе, Әлки, Кайбыч, Кама Тамагы, Саба районнары лидерлык позицияләренә ия булуын билгеләп узды.

Форумда Россиянең 50 төбәгеннән һәм 25 илдән авыл җирлегендә яшәүче 18-35 яшьтәге 250ләп кеше катнаша.