Авыру бала атна буе әнисе мәете янында яшәгән

Удмуртиянең бер шәһәрендә, фатирда ике кеше мәете табылган. ДЦП һәм эпилепсиядән интегүче 13 яшьлек улы әнисенең мәете белән бер атна яшәгәнән соң, үзе дә вафат булган. Ярдәм артык соң килеп җиткән.

Авыру бала өйдә укыган. Ана һәм баланың юкка чыгуын өйгә килеп йөрүче укытучылары ачыклаган. Озак шакыганнан соң, ишекне ачучы һәм телефонны алучы булмагач, полиция хезмәтенә шалтыратканнар. Тегеләр ишекне каерып ачкач, әниле-уллы мәетләргә тап булган.

Анасы авыру баласын ялгыз тәрбияләгән, үзе дә авыру булган. Җирле матбугат хезмәтләре аны хроник авырудан үлүен әйтә. Йөри алмаган баланың ярдәм сорап кычкыруына күршеләре игътибар бирмәгәннәр. Бала арбасында килеш кухняга кергән, су эчәргә дип кранны ачкан һәм егылып китеп, аңын җуйган. Аңына кабаттан кайтмаган.

Әлеге хәлгә карата җинаять эше кузгатылды.

Чыганак: rg.ru