Балалар бакчалары артканнан арта бара

2019 елда Татарстанда яңа 28 балалар бакчасы төзеләчәк, аларның 27сендә ясле урыннары да булачак. Бүгенге көндә Аксубай районының Иске Илдерәк авылында 25 урынга исәпләнгән балалар бакчасы төзелеше тәмамланган.

Үткән ел Татарстанда 785 урынга барлыгы җиде балалар бакчасы сафка бастырылган, бу эшләргә 674 миллион сум акча тотылган. Яңа бакчалар Түбән Камада (260 урынга), Арчада (140 урынга), Тукай районының Иске Ерыклы авылында (140 урынга), Актаныш районының Пучы авылында (120 урынга), Югары Ослан районының Яр буе Морквашы авылында (50 урынга), Кукмара районының Ядегәр авылында (50 урынга), Әтнә районының Түбән Шашы авылында (25 урынга) пәйда булды.

2010-2018 елларда республикада барлыгы 31 490 урынга 210 бакча төзелде. Бу максатларга 17,73 миллиард сум акча бүленде. 

Бу хакта тулырак: https://tatar-inform.tatar/news/2019/04/18/184631/