Балалар темасына соравың бармы? Мөрәҗәгать ит!

Халыкара балаларны яклау көне уңаеннан   Татарстан Республикасында Бала хокуклары буенча вәкаләтле вәкил, ТР Юстиция министрлыгы белән берлектә, балалар хокуклары буенча хокукый ярдәм көне үткәрә.

“Балалар мәсьәләсе” дип аталган әлеге чара 2016 елдан бирле, балалар хокукларын яклау формасы буларак һәм гражданнарга балалар хокукларын һәм мәнфәгатьләрен яклауда мәгълүмат бирү максатында уздырыла.

Әлеге  проектка балалар белән эшләүче министрлыклар, ведомстволар, хокук яклау һәм тикшерү-күзәтчелек органнары да җәлеп ителә.  Хокукый ярдәм көннәре кысаларында гражданнарга балалар хокукларын һәм мәнфәгатьләрен яклау буенча барлык мәсьәләләрдә 20дән артык ведомство вәкилләренең консультациясен, аңлатмасын, ярдәмен алу мөмкинлеге тудырыла. 

“Балалар мәсьәләсе” хокукый ярдәм көнендә түбәндәге министрлык һәм ведомство вәкилләре катнаша:
Балигъ булмаганнар эшләре һәм аларның хокукларын яклау буенча республика комиссиясе;
 Татарстан Республикасы Прокуратурасы;
 Татарстан Республикасы Юстиция министрлыгы;
 Татарстан Республикасы Татарстан Республикасы Мәгариф һәм фән министрлыгы; 
Татарстан Республикасы Яшьләр эшләре министрлыгы;
 Татарстан Республикасы Сәламәтлек саклау министрлыгы;
 Татарстан Республикасы Хезмәт, мәшгульлек һәм социаль мәсьәләләр министрлыгы;
 Татарстан Республикасы буенча суд приставлары хезмәте идарәсе;
 Татарстан Республикасы буенча медицина-социаль яклау экспертизасы Баш идарәсе;
 ТР Адвокат палатасы;
 ТР Нотариаль палатасы; 
Социаль иминиятләштерү фондының ТР  бүлекчәсе;
 ТР Дәүләт торак инспекциясе;
 ТР буенча РФ Пенсия фонды бүлекчәсе.

Консультацияләргә  алдан язылу таләп ителми.

“Балалар мәсьәләсе” хокукый ярдәм көне 2019 елның 31 маенда Татарстанның  Халыклар Дуслыгы йортында 9.00 дән 13.00 сәгатькәчә үткәрелә (Казан шәһәре, Павлюхин урамы, 57).