Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив

    Балалар тимер юлында җәйге сезон ачылды

    Җәйге каникул башлану һәм халыкара балаларны яклау көне уңаеннан Казанда олылар балалар күңелен төрлечә күрделәр. Тамашалар арасында иң зарыктырганы - балалар тимер юлында җәйге сезон ачылу булгандыр. Эссе көннәрдә җилләр белән ярыша-ярыша, урман эченнән сызылган тимер тасма буйлап зәңгәр поездда җилдерүдән рәхәтрәк тагын нәрсә булырга мөмкин?!

    Балалар тимер юлы Казанның Залесный бистәсе белән Юдино янындагы Карьер күлен (Изумрудный) тоташтыра. Быел ул 12нче пассажир сезонын ачты.  Балалар тимер юлының үзенчәлеге – ул гадәти рельслардан таррак, һәм аннан бик югары булмаган тизлектә бәләкәй генә дүрт вагонлы поезд “келтери”. Поездның машинистлары да, проводниклары да - җитештерү практикасын уза торган студентлар. Мәгълүм булганча, Залесныйда тимерьюлчылар техникумы эшли.

    Реклама

    Бәйрәм тантаналы линейкадан башланды, анда Юдино мәктәпләренең өлкән сыйныф укучыларына яшь тимерьюлчылар таныклыклары тапшырылды. Бәйрәмне күңелле концерт программасы, конкурслар һәм аниматорлар чыгышлары дәвам итте. Бала-чага шатлыгына, ачылу көнендә 14 яшьтән кечерәк пассажирлар поездга бушлай утырды. 

    Балалар тимер юлы –  Казанның истәлекле урыны, аны инде туристлар да үз итеп өлгерде.  «Радуга» поезды  көн саен дүрт рейс ясый: Залесныйдагы “Яшьләр” станциясеннән ул 10.00, 11.23, 14.15 һәм 15.38 сәгатьтә кузгалып китә. Карьер күленә кадәр юл дәвамы  -  ярты сәгать чамасы.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Китап тыңла!
    • Kazan Digital Week-2021 (1)
    • ТАВЫШ БИР: Иң матур җырчы гаиләсе
    • Хәтер
    • Сезнең өчен уйныйбыз!
    • Наркотикларсыз тормыш
    • "Чтобы получить субсидию - убедись в отсутствии налоговой задолженности"
    • Занятость
    • Милли проект
    • Языл һәм телевизор, скутер от!