Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив
    • «БЮДЖЕТ УРЫННАР ЮК, ӘММА ӨМЕТ СҮНМӘГӘН» Чыгарылыш сыйныф укучылары "Укырга кая барыйм икән?" - дип баш вата торган вакытлар килеп җитте. Журналистика өлкәсе белән кызыксынучы яшьләр өчен хәбәребез бар! Бүген матбугат конференциясендә КФУның Журналистика югары мәктәбенә кабул итү турында сөйләделәр.
      53
      0
      0
    • ГАЛИМҖАН ИБРАҺИМОВНЫҢ “АДӘМНӘР” БӘЯНЫ ТӨРЕК ТЕЛЕНӘ ТӘРҖЕМӘ ИТЕЛДЕ Татар классигының әлеге үзенчәлекле әсәрен Төркиядә яшәүче милләттәшебез, Карс шәһәренең Кавказ университеты доценты Чулпан Зарипова-Четин тәрҗемә итте.
      78
      0
      0
    • КАЗАН - "ХЕЗМӘТ БАТЫРЛЫГЫ ШӘҺӘРЕ" Татарстан башкаласына мактаулы исем бирелү уңаеннан бүген кичке тугызда «Казан» гаилә үзәге янында бәйрәм салюты көтелә.
      97
      0
      0
    • ОНЛАЙН САБАНТУЙ Быелгы Сабантуеның онлайн форматта узачагын хәбәр иткән идек инде. Онлайн булгач, уеннары да башка еллардагыча була алмый, билгеле: хәзерге вакытта #Сабантуй2020 хэштегы белән флешмоб актив бара.
      75
      0
      0
    • Яшь осталар көч сынашты «Үзегез сайлаган һөнәргә тулысынча бирелегез. Һәрчак камиллеккә барырга, үз эшеңдә иң яхшысына әйләнергә тырышырга кирәк»
      1561
      0
      6

    Барысы да сөйли, ләкин берни аңлашылмый: Нәрсә ул Тукай юлы?

    Бөек шагыйребез Габдулла Тукай кыска гына булса да шактый авыр һәм кызыклы гомер яшәгән. Аның тормышы турында ничә китап чыгарылды инде. Ләкин Тукай узган юлларны үз күзләрең белән күрү ул бөтенләй башка нәрсә. Гади итеп әйтсәк - Тукай юлы ул туристик маршрут.  Тукай юлыннан узучылар, шагыйрь яшәгән, үскән, зур-зур эшләр корган, хәл җыеп күккә карап яткан урыннарны узачак.

    Бу юлдан ничек узарга соң?

    29 июнь көнне иртәнге сәгать 10да Арча тимер юлы станциясе мәйданында яңа туристик маршрут рәсми рәвештә ачылачак. Чарага бөтен теләгән кеше килә ала. Оештыручылар татар авылы мәдәнияте һәм көнкүреше белән кызыксынучыларны, сәламәт яшәү рәвешен алып баручыларны көтеп калалар. 

    Әлегә яңа маршрутның беренче өлеше генә ачыла. 29 июнь көнне чарада катнашучылар Арчадан Яңа Кырлайга юл тотачак. Киләчәктә исә маршрутта кунак йортлары, татар авылларының көнкүреше белән танышу өчен махсус мәйданчыклар, атларда йөрү мөмкинлеге булдырылачак, ди проектны оештыручылар.

    “Бу проект дәүләтнеке түгел, аны беркем дә финансламый. Ул бары тик татар халкының тарихын, көнкүрешен, мәдәниятен күрсәтергә, танытырга, саклап калырга теләп оешкан кешеләрнең уртак проекты”, - диде Татарстан Дәүләт Советы Рәисе урынбасары, “Тукай юлы” проекты оештыру комитеты рәисе Римма Ратникова.

    Реклама

    “Мондый маршрут төзү идеясе миңа дөнья тирәли сәфәрем барышында килде, - дип аңлатты идея авторы, Татарстанның Велосипедчылар берлеге рәисе Илдус Янышев. – Дөньяда бит җәяүлеләр маршрутлары бик күп. Ә бездә алар юк дәрәҗәдә. Шуңа минем мондый юлны Россиядә дә булдырасы килде. Мин аны әниемнең туган ягы – Арчада эшләргә булдым”.

    Ике ел эчендә бу проектны 40ка якын кеше эшләде. Мәсәлән, Казан дәүләт архитектура-төзелеш университетының 3 курс студенты Гадел Мөхәммәтшин аның логотибын, дизайнын булдырды. “Логотипны ясар алдыннан Тукайның күп кенә әсәрләрен укып чыктым. Шуннан соң гына “Кәҗә белән сарык” әкиятендә тукталып, логотипта аның төп геройларын кулланырга булдым”, - диде Гадел Мөхәммәтшин.

    Проектның үз сайты да бар. Аны “Белем.ру” порталы җитәкчесе Раил Гатауллин эшләгән. Яңа маршрут, аңа бәйле яңалыклар, кызыклы фактлар белән танышырга теләүчеләр бу хакта тулырак tuqay-yuli.ru сайтында укый ала.

     

    Рәсем: Руслан Ибраһим

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Милли китап һәм көйләр
    • Язылган өчен мотоблок, ТВ, планшет һәм башка бүләкләр от!
    • Өр-яңа акция!
    • Журналга онлайн язылу