Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив
    • ВИЧка КАРШЫ "ЭКСПЕДИЦИЯ": БУШЛАЙ ТЕСТ ЯСАТА АЛАСЫҢ «Тест на ВИЧ: Экспедиция 2021» бөтенроссия акциясе 1-нче июньдә Санкт-Петербургта старт алды һәм 1-нче ноябрьдә Хабаровскта тәмамланачак.
      39
      0
      0
    • КЕШЕ ОРГАНИЗМЫ ЭССЕЛЕККӘ ТҮЗМӘСКӘ МӨМКИН Россия глобаль җылыну аркасында эсселек дулкыннары белән очрашкан беренче илләрнең берсе булачак.
      64
      0
      0
    • Агачлар ни турында җырлый - белеп кайт! 11-нче августта Горький исемендәге Казан паркында ачык һавада «Агачлар ни турында җырлый» дигән спектакль премьерасы була. 3 көн дәвамында казанлыларның Идел буе халыклары әкиятләренә нигезләнгән куелышны күрү мөмкинлеге булачак. Йолалар һәм халык җырлары нигезендә куелган «Агачлар ни турында җырлый?» спектакле дүрт әкияттән тора – удмурт «Красавица береза», чуаш «Юман-батыр», мордва «Дуболго Пичай» һәм мари «Волшебный меч». Спектакльдә Татарстан театрлары актерлары, Россиянең бәйсез артистлары һәм театр әһелләре катнаша. Куелышның режиссеры булып Сойжин Жамбалова чыгыш ясады. Аның сүзләренчә, әлеге спектакль – халыкның милли кодын тикшерү һәм аны ачык киңлектә театр телендә формалаштыру омтылышы. Әйтик, Горький исемендәге паркта зур кыр уртасында көзге елгасы җәелеп китәчәк, ә аның ярларында дүрт йорт урнашачак. Спектакль аша казанлылар Идел буеның һәр этник мәдәниятенең нәрсә эшләвен һәм заманча кешенең табигатьтән ни дәрәҗәдә ерак китүен белә алачак. Бу темаларга уйланырга һәм спектакльне бәяләргә 16 яшьтән алып барлык теләүчеләрне чакыралар. Күрсәтү Горький исемендәге паркта 11, 12 һәм 13-нче август көннәрендә узачак. Башлана – 18:30 сәгатьтә, куелыш озынлыгы – 2 сәгать. Спектакль рус телендә барачак. Исегезгә төшерәбез, проект Казан Мэриясе тарафыннан тәкъдим ителде һәм Татарстан Республикасында Туган телләр һәм халыклар бердәмлеге елы кысаларында әзерләнде.
      123
      0
      0
    • Дилә Нигъмәтуллина бала алырга җыена? Күптән түгел күптәнге хыялымны тормышка ашыру вакыты җитүен аңладым, дип яза ул
      124
      0
      0

    БАШКА ХАЛЫКЛАР НИЧЕК БИИ? ФИЛАРМОНИЯДӘ КҮРСӘТӘЧӘКЛӘР!

    Бүген 19.00 сәгатьтә ансамбльнең Ютуб-каналында "Дөнья халыклары биюләре" дип аталган онлайн-концерт күрсәтеләчәк.

    Казан филармониясенең иҗат коллективларының берсе «Казан» бию ансамбле тамашачыларын күпкырлы репертуары һәм кызыклы видеоматериаллары белән сөендереп тора. Татарстан Республикасының Халык артисты, Казан шәһәр филармониясе, «Казан» бию ансамбле һәм аның каршында булдырылган балалар студиясенең сәнгать җитәкчесе Чулпан Закирова да күпләргә таныш. 

    Белешмә өчен:
    «Казан» бию ансамбленә 1997 елда нигез салына. Оештыручылар күзаллавынча, хореографик труппа эшчәнлегенең мәгънәсе бию генә түгел, ә югары миссия, аның максаты – тамашачыларга татар халкы көнкүрешенең кызыклы яклары, гореф-гадәте, традицияләре турында сөйләү, халыкның рухи байлыгын, бию, музыка, вокал, театр, мода, шигърият кебек сәнгатьнең берничә төрен берләштереп, заманның күпкырлылыгын һәм көчен чагылдыру.
    Коллективның нигезен балетның югары профессиональ труппасы тәшкил итә – алар Россиянең хореография училищелары һәм Мәдәният институтларында белем алган белгечләр. Хәзерге вакытта ансамбльдә 50 дән артык балет артисты һәм 18 оркестр артисты эшли. «Казан» бию ансамбле Идел буенда берьюлы өч юнәлештә (фолк, степ һәм модерн) эшләүче бердәнбер труппа. Әлеге юнәлешләр үзара бик уңышлы ярашып тора.
    Биюләрне сәхнәгә кую өчен Россиянең барлык өлкәләреннән балетмейстерлар чакырыла. Мәсәлән, Пятницкий исемендәге Академия хоры балетмейстерлары, «Кырым», «Абхазия», «Лезгинка» Дәүләт ансамбльләренең баш балетмейстерлары.
    Ансамбльнең театраль костюмнары да югары дәрәҗәдә эшләнелгән. Алар өрфиядәй нәфис, төсләрнең ярашуы, затлылыгы белән күз явын ала. Чын күн, парча, ефәк һәм затлы мех, традицион милли зәркән бизәнү эшләнмәләрендә тарихилык чагылышы, шул ук вакытта, үз-үзебезгә һәм барлык дөньяга чал тарихыбызны һәм хәзерге вакытта аның асылын аңлавыбыз турындагы идеяне тормышка ашырудагы сәхнә кануннарына буйсынып, чама хисе турында да онытылмаган.
    Ансамбль Россиянең күпсанлы шәһәрләрендә уңышлы чыгыш ясый. Коллектив Бөтендөнья татар конгрессының башкарма комитеты белән хезмәттәшлек итеп, Татарстан Республикасын халыкара мәйданда тәкъдим итә, дөньяның төрле почмакларында яшәгән милләттәшләребез белән очрашуларда еш катнаша. Коллектив Мальта, Тайвань, Испания, Малайзия, Тунис, Төркия, Италия, Греция, Австралия, Франция һәм башка илләрдә иҗади сәфәр белән килде һәм һәрчак тамашачылар алкышына күмелде. 

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • "Язмыш" газетасы
    • Китап тыңла!
    • Kazan Digital Week-2021 (1)
    • ТАВЫШ БИР: Иң матур җырчы гаиләсе
    • Хәтер
    • Сезнең өчен уйныйбыз!
    • Наркотикларсыз тормыш
    • "Чтобы получить субсидию - убедись в отсутствии налоговой задолженности"
    • Занятость
    • Милли проект