Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив
    • Яшь осталар көч сынашты «Үзегез сайлаган һөнәргә тулысынча бирелегез. Һәрчак камиллеккә барырга, үз эшеңдә иң яхшысына әйләнергә тырышырга кирәк»
      896
      0
      5

    Башкалабызда “Чәчәк фестивале - 2019” бишенче тапкыр старт алды. 

    Казанда Әкият курчак театры каршындагы мәйданда “Чәчәк фестивале - 2019” бишенче тапкыр старт алды. Фестивальның быелгы темасы – “Җәйнең матур буяулары” дип атала . 
    Конкурс шартлары буенча, узган ел эшләнгән композицияләр мәйданчык территориясендә калдырылды, ә 2018 елның көзендә ясалган элементлар яңадан торгызылды. Быел фестивальдә барлыгы 15 катнашучы бар. Хәзерге вакытта 23 мең кв.метр мәйданда 32 композиция урнаштырылган. Аларны ландшафт фирмалары, үсемлекләр питомниклары, ТКХ предприятиеләре, төзелеш һәм сәүдә комплекслары хезмәткәрләре булдырды. Композицияләр чәчәкләрдән, декоратив агачлардан, куаклардан, арт-объектлардан, декор элементларыннан һәм матур чәчәкләрдән эшләнгән. 
    - Чәчәк фестивале – Казанның масштаблы проектының бер өлеше генә, аның кысаларында төрле оешмалар һәм шәһәрлеләр бина фасадларын, якын-тирә һәм ишегалды территорияләрен, Казанның палисадникларын чәчәкләр белән бизиләр. Конкурста катнашырга теләүчеләргә 30 августка кадәр объектларының урнашу адресын, контакт мәгълүматларын, объектның фотосурәтләрен күрсәтеп гариза тапшырырга кирәк. Гаризаны сайтта теркәргә кирәк. Сайт: flowers.kzn.ru. Катнашучыларны халык тавыш бирү юлы белән бәялиячәк, - дип сөйләде тышкы төзекләндерү комитеты рәисе Игорь Куляжев. 
    "Чәчәк ата торган Казан” кысаларында шулай ук шәһәр мохитенең иң яхшы фотографиясе өчен конкурс үткәреләчәк. Җиңүчене көзгеле фотоаппарат белән бүләкләячәкләр, ә иң яхшы фотоларны ТАССРның йөз еллыгына багышланган юбилей альбомында урнаштырачаклар. 
    Фестивальнең нәтиҗәләрен 1 сентябрьдә ясаячаклар, ул вакытка кадәр һәр чәршәмбе көнне театр янында концертлар, төрле мастер-класслар һәм шигъри укулар үткәреләчәк. 

     


    Ибәтуллина Илүзә

     

    Фото: Лилия Солнечная

    Реклама
    Теги: Казан
    Нравится
    Поделиться:
    Комментарии (0)
    Осталось символов:
    Реклама
    • Конкурс!
    • Сүз