Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив
    • Яшь осталар көч сынашты «Үзегез сайлаган һөнәргә тулысынча бирелегез. Һәрчак камиллеккә барырга, үз эшеңдә иң яхшысына әйләнергә тырышырга кирәк»
      733
      0
      5

    «Башмагым» джаз стилендә була аламы?

    Кәрим Тинчурин исемендәге Татар дәүләт драма һәм комедия театры тамашачыларын гаҗәпләндерергә ярата һәм, ара-тирә тәнкыйть утына тотылса да, уңга-сулга вакланмыйча гына үз эшен эшли бирә. Театр репертуарында быелгы сезонның соңгы премьерасы нәкъ шуны дәлилли сыман. 27 нче июньдә Таҗи Гыйззәт һәм Җәүдәт Фәйзи әсәре буенча куелган «Башмагым JAZZ» спектакленең премьерасы була.

    Әлегә театр премьераның барлык нечкәлекләрен дә ачып бирергә ашыкмый. Тик спектакль анонсында, режиссер Рәшид Заһидуллин белән беррәттән, яңарак исемнәрне дә күрәбез. Мәсәлән, дирижер һәм аранжировщик – яшь композитор Ильяс Камал, сценографияне эшләргә Әсәл Исмәгыйлева җәлеп ителгән. Хореограф – Резеда Муллагалиева; хормейстер – Алия Хәмзина. Джаз музыкасы булгач, билгеле, джаз-бэнд та булырга тиеш, дип күз алдына килә. Джаз-бэнд вазыйфасын Евгения Глухова җитәкчелегендәге инструменталь ансамбль үз өстенә аладырмы, юкмы – анысы инде премьерада беленер. Һәрхәлдә, музыкантлар быел ачылган оркестр чокырында утырып уйнаячак һәм, матбугат үзәге белгече әйтүенчә, музыка бөтенләй яңача яңгырый.

    “Башмагым”ның төп интригасы – джаз стилендәге музыка, классик әсәрне заманча итеп үзгәртү һәм музыкаль спектакльнең мюзиклга әверелүе генә түгел. Мәсәлән, яңа постановкада Байназаровларның кызыклы гына гаилә ансамбле хасил булган: Сәрвәр ролен чакырылган артист Гөлнара Байназарова башкара, ә Галимҗанны – Тинчурин театры артисты Илнур Байназаров. Спектакльдә тагын театрның әйдәп баручы һәм яшь артистлары Кәрим бай – Ринат Шәмсетдинов, Фәхрия – Гөлназ Нәүмәтова, Зыя бай – Алмаз Фәтхуллин, шулай ук Артем Пискунов, Резедә Сәләхова һ.б. уйный.

    Премьерага айдан кимрәк вакыт калды. Бераз гына түзсәк, мөгаен, белербездер: классик “Башмагым”ның яңа куелышы ул – “Тинчурин театры бинасында музыкаль театр ачарга кирәк” дигән фикерләргә җавапмы, әллә татарның төрле сәхнәләрендә дистәләрчә мәртәбә куелган әсәрне яңача “укырга” тырышумы?


    Идел

    Реклама
    Нравится
    Поделиться:
    Комментарии (0)
    Осталось символов:
    Реклама