Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив
    • Яңа елда ничек ял итәбез? Казанлыларның яңа ел каникуллары 8 көн рәттән - 1-8-нче гыйнварда - дәвам итәчәк. 2020 елда ялларның гомуми саны биш көнлек эш атнасында 120 көн тәшкил итәчәк.
      249
      0
      0
    • Казанда яңа һәйкәл барлыкка килде 10 ноябрьдә Казанда иң танылган салкын корал авторы Михаил Калашниковка һәйкәл ачылды. Сын хәрбинең 100 еллыгы хөрмәтенә Казан танк училищесы территориясендә куелды.
      111
      0
      0
    • Марат Мухин эллеккеге хатыны турында серне чиште Марат Мухинның никахлашынуы турында белгәч, инстаграм язылучыларның кайберәүләре Маратка шелтә сүзләре язган.  Баксаң, Марат Мухинны Дилә Нигъматуллина белән яши дип уйлап йөрүчеләр шактый булган.
      113
      0
      0
    • Ильяс Хәсәнов, аңына килә алмыйча, вафат булган Татар КВНына нигез салган Фәридә Таштабанова һәлак булгач, автоһәлакәткә дучар булган башка юлдашлары исән калыр дип өметләнгән идек.
      247
      0
      0
    • Яшь осталар көч сынашты «Үзегез сайлаган һөнәргә тулысынча бирелегез. Һәрчак камиллеккә барырга, үз эшеңдә иң яхшысына әйләнергә тырышырга кирәк»
      837
      0
      5

    Батырлык көнендә батыр булырга өйрәттеләр

     22 сентябрь көнне Урицкий паркында гадәти булмаган балалар өчен спорт-тәрбия чарасы – «Батырлык көне» («День мужества») узды. Катнашучылар спорт ярышларында кыюлыкларын һәм чыдамлыкларын сынап карады, тәвәккәл һәм батыр булырга өйрәнде. 
    Әти-әни мәхәббәтеннән мәхрүм калып, җәмгыятькә тискәре карашта үскән  малайлар һәм үсмерләр, шулай ук гадәти мәктәп укучылары өчен оештырылган әлеге чара дүртенче мәртәбә үткәрелә. Бу көнне дә паркка өч йөзгә якын бала килгән иде. Биш сәгатькә сузылган уеннарның төп максаты – үзеңне чын ирләрчә тотарга өйрәнү.
    Катнашучыларга дүрт команда-төркемгә бүленергә тәкъдим ителде: «Гризли», «Анаконда», «Росомаха» һәм «Бөркет». Һәркайсының вожагы билгеләнде. Ул – махсус әзерлек узган волонтер – уеннар вакытында бала өчен төп ярдәмче һәм остазга әйләнде. «Безгә көч нигә кирәк? Беренче чиратта үзебезнең кадерле кешеләрне яклау өчен. Җиңүегенез телим. Үзегезне җиңүне», – дип балаларны илһамландырды Татарстан Республикасы Антитеррористик комиссия аппараты җитәкчесе Илдар Галиев. Ачылыш тантанасында чараның төп оештыручысы һәм «Рожденный быть мужчиной» программа авторы Алмаз Төхватуллин да чыгыш ясады. 
    Ярыш өч юнәлештә узды. Беренчесе – спорт. Егетләр йөгерү, футбол, баскетбол, уктан ату, противогаз кию, шахмат буенча көч сынашты. Икенче ярышта Калашников автоматын сүтеп җыйдылар. Өченче этапта балалар актерлык серләренә өйрәнде, этюдлар күрсәтте, үзләрен репортер һәм блоггер ролендә сынап карады. Ахырдан ТР Десантниклар союзы вәкилләре чын мәгънәсендә батырлык дәресе бирде: хәрби бәрелешләрдә катнашулары турында сөйләде, патриотик җырлар башкарды. 
    Балаларны тәмле төшке аш белән дә сыйладылар. Ашап-эчеп көч җыйгач, катнашучылар ярышуны квестта дәвам итте һәм җиңүчеләр дә шуның нәтиҗәләре буенча билгеләнде. Җиңүче дип «Гризли» командасы табылды. Аларга бүләккә лазертагка (хәрби-спорт команда уены) юллама тапшырылды.
     «Батырлык көне» ТР Мәгариф министрлыгы, Казан шәһәре Башкарма комитеты, ТР Десантниклар союзы, ТР Антитеррористик комиссия аппараты, «Plove» рестораны һ.б. ярдәме белән үткәрелгән иде. 

    Реклама
    Нравится
    Поделиться:
    Комментарии (0)
    Осталось символов:
    Реклама