Бөек Җиңү хөрмәтенә төзекләндереләчәк урамнар

Җиңүнең 75 еллыгына багышланган "Җиңү урамы" федераль проект кысаларында сугыш геройлары һәм җиңү хөрмәтенә аталган урамнар, проспектлар һәм мәйданнарны тәртипкә китерергә планлаштыралар.

Татарстанда барлыгы 28 урам ремонтланачак. Төзекләндерү эше "Имин һәм сыйфатлы автомобиль юллары" илкүләм проектының бер өлеше булган "Җиңү урамы" федераль проекты кысаларында узачак. Узган ел программа кысаларында 54 объект ремонтланды, шуларның 10сы илкүләм проектка кертелде. Казанда - Чуйков, Гаврилов, Симонов, Карбышев, Волгоград, Академик Лаврентьев, Гадел Кутуй урамнары, Рихард Зорге урамы участогы. Яр Чаллыда Муса Җәлил проспекты һәм Түбән Камада Җиңүнең 30 еллыгы урамы бар.

Татарстанда 28 объектның 12сендә урам янындагы тротуарлар төзекләндереләчәк, юл билгеләре куелачак. Моннан тыш, республиканың тагын 7 муниципаль районында урамнарны ремонтлау планлаштырыла. Сүз Әгерҗе, Азнакай, Аксубай, Бөгелмә, Болгар, Тәтеш турында бара. Ютазы районындагы тагын ике авылда урам юллары ремонтланачак.

Бу хакта ТР Транспорт һәм юл хуҗалыгы министрлыг хәбәр итә.