Бөек Җиңү уңаеннан флешмобта катнашыгыз

"Илебез өчен әһәмиятле булган датаны — Бөек Җиңү көнен бәйрәм итәргә төгәл бер ай калды. Без бу датаны көтәбез. Барлык сәнгать әһелләрен әлеге флешмобка кушылырга чакырам. Без, өйләребездә утыруга карамастан, Җиңү көне якынлашуын онытмыйк", — дип мөрәҗәгать итте композитор Рәшит Кәлимуллин. Бу хакта "Татар-информ" хәбәр итә. 

Рәшит Кәлимуллин социаль челтәрләр аша Россия һәм Татарстан композиторлар берлеге, Яңа музыкага ярдәм фонды белән берлектә, Бөек Җиңүнең 75 еллыгы уңаеннан флешмоб башлануы турында игълан итте.  

Үзизоляциядә утырган Рәшит Кәлимуллин кырык ел кулына алмаган баянында "Священная война" маршын уйнап видеога төшергән. Рәшит Көлимуллин сәнгать әһелләрен һәм барлык кешеләрне төрле уен коралларындамы уйнап яисә шигырь-җыр белән сугыш чорында яңгыраган әсәрләрне искә төшерергә чакыра.