Бердыев «Рубин»нан китә

"Рубин" футбол командасы тренеры Корбан Бердыев үз вазифасыннан китүе турныда хәбәр итте.

Моның турында клубның җитәкчелеге белән очрашуда билгеле булган. Җанатарлар, әлеге тренетның клуб үсешенә зур өлеш кертүен билгеләп, «Барысы өчен дә рәхмәт, Тренер!» дип язып куйган.

«Рубин»ны 2001-2013 елларда җитәкләп, 2002 елда аны премьер-­лигага чыгарган, икенче сезонда ­Россия чемпионатының бронзасына ия булган, 2008 елда клуб тарихында беренче тапкыр ил чемпионы титулын яулаган, тагын бер елдан шул ук уңышны кабатлаган өлкән тренер Корбан Бердыев Казан клубына икенче тапкыр 2017 елда килгән иде.

Аның җитәкчелегендә «Рубин» футбол командасы әле тагын Россия Кубогын һәм ике тапкыр супер Кубокны яулады, Чемпионнар лигасының төркем турнирында чыгыш ясады, Европа лигасының чирекфиналына хәтле барып иреште.

Узган сезонда «Рубин» ил чем­пио­натында 11нче урынны гына ала ал­ды.

Рәссам: Руслан Ибраһим