Бердыевка - рәхмәт, Шароновка - уңышлар!

Яшьләр командасының тренерлар штабын җитәкләгән Роман Шаронов «Рубин»ның баш тренеры вазифаларын башкаручы итеп билгеләнде. Бу хакта клубның Twitterдагы аккаунтында хәбәр ителә.

«Роман Шаронов - клубның легендасы, уенчы буларак, безнең команда белән аның яңа тарихында барлык уңышларын кичерде. Уенчы карьерасы тәмамланганнан соң, ул клуб системасында эшләде: яшь футболчылар әзерләүне җитәкләде, Академиядә тренер булды, аннары яшьләр командасына эшкә күчте», — дип сәламләделәр тренерны «Рубин» матбугат хезмәтендә.

Шаронов Казан клубы составында 296 матч үткәрде, дип яза Татар-информ

Кичә команданың баш тренеры Корбан Бердыев үз вазифасыннан әле китте, әле бу хакта расланмады, диелсә дә, бүген инде вәзгыять башкача яңгыраш алды.