БҮГЕН +35 ГРАДУС КӨТЕЛӘ!

«Моннан да эссерәк була алмас инде», - дип әлсерәп урамнан кергән татарстанлылар өчен бер яңалыгыбыз бар: була ала!

Бүген көндез һава температурасы +35 градуска җитәргә мөмкин. Бу хакта ТР Гидрометеорология үзәге матбугат хезмәте хәбәр итә. Төнлә +17дән +22 градуска кадәр җылы булачак.
КФУның Экология һәм табигатьтән файдалану институтының метеорология, климатология һәм атмосфера экологиясе кафедрасы мөдире, профессор Юрий Переведенцев сөйләгәнчә, алдагы ункөнлек дәвамында — 7-17 июльдә —көндезге һәм төнге температураның югары булуы көтелә.

Шуңа күрә кызынып калырга ашыгыгыз, җәйнең рәхәте дә шул кызулык бит инде, әйеме?