Бүген Казанда  Советлар Союзы Герое Михаил Девятаев искә алыначак

Каһарман очучыны искә алу тантанасы Казан елга техникумы бинасы каршындагы мәйданчыкта  #Намнужныгерои акциясе кысаларында уза. Җиңү көне алдыннан легендар очучы, Советлар Союзы Герое Михаил Петрович Девятаев батырлыгы турында яшь буынның исенә төшерү һәм патриотик, һәм символик мәгънәгә ия: 1938 елда Михаил Девятаев үзе дә шушы уку йортын тәмамлый.  Акциягә якташыбызның туганнары һәм якыннары, шул исәптән улы һәм оныгы, студентлар, мәктәп укучылары җыела һәм Михаил Девятаев һәм аның батырлыгы алдында баш игән һәркем катнаша ала.
Акцияне Казанның Киров һәм Мәскәү районнары администрациясе һәм Казан елга техникумы студентлары оештыра. Алар барысы бергә истребитель очучы кылган дистәләрчә сугышчан очышларны символлаштыра торган кәгазь самолетлар очырачак. Аннары һавага 2019 һава шары җибәреләчәк, һәм бу акциянең кульминациясе булып торачак. Моннан тыш, бу көнне акциядә катнашучыларның барысы да кыр кухнясыннан ботка татып карый ала.
#Намнужныгерои акциясе 8 майда Казан елга техникумында (Несмелов урамы, 7) була, дип хәбәр итә оештыручылар.
Идел