Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    Видео
    • Руль артында алкогольгә "Юк" дип әйт

    БҮГЕН ТӨНЛӘ ЙОЛДЫЗЛАР ЯҢГЫРЫН КҮЗӘТЕРГӘ ЧЫГЫГЫЗ!

    Татарстан һәм аның башкаласы халкы 24-нче августка кадәр Персеида йолдызлар яңгырын күзәтә ала. Йолдызлар яңгыры иң күбе 12-нче августтан 13-нче августка кадәр каршы төндә булачак – сәгатенә 110 метеорга кадәр.

    «Персеиданың метеор агымы – елның барлык агымнарыннан иң кызыклысы, – дип аңлата В.П.Энгельгардт исемендәге астрономик обсерватория директоры, Казан федераль университетының физика институты профессоры Юрий Нефедьев. – Ул зурлыгы буенча бик нык аерылучы Свифт-Туттл кометы ташлаган кисәкчекләрдән тора. Бу тузанчык та булырга мөмкин, һәм шактый зур болидлар – метеоритлар да».

    Атылучы йолдызлар артыннан гади күз белән күзәтсәң яхшырак – аларны күбрәк күрергә була, ә күзәтүләр өчен иң уңышлы вакыт – төн уртасыннан таң атканчы.

    Реклама

    Ю.Нефедьев сүзләренә караганда, соңгы биш елда галимнәр Персеидлар белән бәйле 528 болидны теркәгән. «Бәлки, кемгәдер болид күрү бәхете елмаер, бу бик матур күренеш. Ул Җир атмосферасына характерлы тавыш белән очып керә һәм бик якты күренә», – дип өсти астроном.

    Метеор кисәкчекләре төрле зурлыкта, шуңа күрә, Җир өстеннән 80 километр биеклектә янып, алар гаҗәеп формадагы ионлаштырылган якты эзләр калдыра ала. Әлеге агымның метеорлары тарафыннан барлыкка килгән зигзагсыман якты сызыкларны һәм шарларны кайбер кешеләр хәтта НЛО калдырган эзләр дип кабул итә, дип  Ю.Нефедьев сүзләрен кабатлый КФУ матбугат хезмәте.

    Чыганак: kzn.ru

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Ышаныч телефоны
    • ИП ПАТЕНТ СИСТЕМАСЫНДА: НӘРСӘ БЕЛЕРГӘ КИРӘК?
    • Газета-журналларга язылган өчен - санаторийга ике юллама
    • Пушкин картасы
    • Милек өчен салымны түләү - 1 декабрьгә кадәр
    • Бөтенроссия халык санын алу (ИНФОГРАФИКА)
    • ВИЧ-инфекция
    • Квалификацияләнгән электрон имза алыгыз
    • ФИНАНС КУЛЬТУРАСЫ
    • Бергә сайлыйбыз!